Fana: At a Speed of Life!

ከሆንግ ኮንግ የመጡ የባለሀብቶች ቡድን የባህር ዳር ኢንዱስትሪ ፓርከን ሙሉ በሙሉ ሊረከቡ ነው

አዲስ አበባ፣ ሐምሌ 2፣ 2011 (ኤፍ.ቢ.ሲ) ከሆንግ ኮንግ የመጡ የባለሀብቶች ቡድን አክሲዮን ማህበር የባህር ዳር ኢንዱስትሪ ፓርከን ሙሉ በሙሉ ሊረከቡ መሆኑ ተገለፀ።

የኢንዱስትሪ ፓርኩን የሚረከቡ የባለሀብቶች ቡድን በጨርቃ ጨርቅ እና በልብስ ስፌት ላይ የተሰማሩ መሆናቸውም ተገልጿል።

የአማራ ክልል ኢንዱስትሪና ኢንቨስትመንት ቢሮ የፕሮሞሽንና የህዝብ ግንኙነት ዳይሬክተር አቶ ይሄነው ዓለም ለፋና ብሮድካስቲንግ ኮርፖሬት እንዳስታወቁት፥ የኢንዱስትሪ ፓርኩ ርክክብ በነገው እለት የሆንግ ኮንግ ባለሀብቶች፣ ከፍተኛ የፌደራል እና የክልል የስራ ሃላፊዎች በተገኙበት ይካሄዳል።

አቶ ይሄነው ዓለም አክለውም፥ እስካሁን ባለው ሂደትም በባህር ዳር ኢንዱስትሪ ፓርከ ውስጥ የ8 ሼዶች ግንባታ ሙሉ በሙሉ መጠናቀቁን ገልፀዋል።

ለኢንዱስትሪ ፓርኩ ለሚያስፈልገው የኤሌክትሪክ ኃይል የመስመር ዝርጋታ እየተካሄደ መሆኑን እና ሌሎች የመሰረተ ልማት ስራዎች ዝርጋታ መጠናቀቁንም አክለው ገልፀዋል።

በታሪክ አዱኛ

You might also like
Comments
Loading...