Fana: At a Speed of Life!

ኢንስታግራም ተጠቃሚዎች ከተከታዮቻቸው የሚያገኙትን “ላይክ” መደበቅ ጀመረ

አዲስ አበባ፣ ሃምሌ 12፣ 2011 (ኤፍ ቢ ሲ) ኢንስታግራም ተጠቃሚዎች በመተግበሪያው ላይ በሚያሰራጯቸው ይዘቶች ላይ ከተከታዮቻቸው የሚገኛኟቸውን የመወደድ መጠን “ላይክ” መደበቅ መጀመሩን አስታውቋል።

መተግበሪያው ይህንን ያደረገው ተጠቃሚዎች በሚያሰራጯቸው ይዘቶች ዙሪያ ከተከታዮቻቸው ዘንድ የሚደርስባቸውን ጫና ለማስቀረት በማለም ነው ተብሏል።

ይህም ተጠቃሚዎች የሚሰማቸውን ሃሳብ ያለምንም ተፅዕኖ በመተግበሪያው ላይ እንዲያጋሩ የሚያስችል መሆኑ ተገልጿል።

ከዚህ ባለፈም ተጠቃሚዎቹ የሚያሰራጯቸው የተለያዩ ይዘቶች በተከታዮቻቸው ዘንድ ምን ያህል ይወደዳሉ የሚለውን ጭንቅት ያስወግዳል ነው የተባለው።

ስለሆነም መተግበሪያው በአሁኑ ወቅት ስድስት በሚሆኑ ሀገሮች ላይ ተጠቃሚዎች በሚያሰጯቸው ይዘቶች ላይ ተከታዮቻቸው የሚሰጡትን የመወደድ ሁኔታ የሚያሳየውን ምልክት መደበቅ መጀመሩን አስታውቋል።

ውሳኔው በአውስትራሊያ፣ ጣሊያን፣ አየርላንድ፣ ጃፓን፣ ብራዚልና ኒውዝላንድ ለሙከራ ተግባራዊ እየተደረገ ይገኛል።

ምንጭ፦www.presstv.com

You might also like
Comments
Loading...