Fana: At a Speed of Life!

ኢትዮጵያና ቻይና በፍትህ ዘርፍ በጋራ ለመስራት ተስማሙ

አዲስ አበባ፣ ሐምሌ 4፣ 2011 (ኤፍ.ቢ.ሲ) ኢትዮጵያና ቻይና በፍትህ ዘርፍ በጋራ ለመስራት ከስምምነት መድረሳቸው ተገለፀ።

የኢፌዴሪ ጠቅላይ አቃቤ ህግ አቶ ብርሀኑ ጸጋዬ በቻይና ፍትህ ሚኒስቴር ምክትል ሚኒስትር ከተመራ የልዑካን ቡድንን በትናንትናው እለት በጽህፈት ቤታቸው ተቀብለው አነጋግረዋል።

በቆይታቸውም ጠቅላይ አቃቤ ህግ አቶ ብርሀኑ ጸጋዬ ፥ ኢትዮጵያ የሕግ በላይነት ከማስጠበቅና የፍትህ ዘርፉን ከማዘመን ጋር ተያይዞ በተለይም በሙስና፣ በሰብዓዊ መብት ጥሰት፣ በህገ ወጥ የገንዘብ ዝውውር እና ሽብርተኝነትን በገንዘብ መርዳት ወንጀሎች ጋር ተያይዞ በርካታ ስራዎችን እየሰራች መሆኑን አብራርተዋል።

ከዚህም በተጨማሪ የፍትህ ሰርዓቱን የበለጠ ተደራሽ ለማደረግ በአቅም ግንባታ ዘርፍ የቻይና መንግስትን ድጋፍና ተሳትፎን ኢትዮጵያ መጠቀም እንደምትፈልግ ገልጸዋል።

የቻይና የፍትህ ሚኒስቴር ምክትል ሚኒስትር ሊዩ ዜንዩ በበኩላቸው፥ በኢትዮጵያ የህግ የበላይነትን ከማስጠበቅ ጋር ተያይዞ ጠቅላይ ዐቃቤ ህግ እያከናወነ ያለው ተግባር የሚበረታታ ነው ብለዋል።

ኢትዮጵያ የጀመረችውን የለውጥ ጉዞ ተከትሎ በፍትህ ስርዓቱ ላይ የተጀመረውን ማሻሻያዎች የቻይና መንግስት ሙሉ አቅሙ ድጋፍ ለማድረግ ፍላጎት እንዳለው ምክትል ሚኒስትሩ አክለው ገልጽዋል።

በተጨማሪም የሀገራቱን የቆየ ዲፕሎማሲያዊ ግኑኝነት ከማጣናከር ባሻገር በፍትፍ ዘርፉ ላይ በተለይም የህግ የበላይነት ላይ በጋራ ለመስራት ከስምምነት ደርሰዋል።

በቀጣይም በመንግስት ከተሰጣቸው ተግባርና ኃላፊነት ጋር ተያይዞ በፍትህ ዘርፍ በጋራ ለመስራት የሚያስችላቸውን የመግባቢያ ሰነድ በቀጣይ እንደሚፈራረሙ ከጠቅላይ አቃቤ ህግ ያገኘነው መረጃ ያመለክታል።

You might also like
Comments
Loading...