Fana: At a Speed of Life!

ኢራን የነዳጅ ምርቷን ለማሳደግ የሚያስችል የ6 ነጥብ 2 ቢሊየን ዶላር ስምምነት ፈፀመች

አዲስ አበባ፣ሐምሌ 4፣2011 (ኤፍ.ቢ.ሲ) ኢራን የነዳጅ ዘይት ምርቷን ለማሳደግ የሚያስችል የ6 ነጥብ 2 ቢሊየን ዶላር ስምምነት ፈፅማለች።

ኢራን የነደጅ ምርት አቅሟን ለማሳደግ የሚያስችል የ6 ነጥብ 2 ቢሊየን ዶላር ውል ስምምትን ከተለያዩ የሀገር ውስጥ ድርጅቶች ጋር ስምምነት መፈፀሟ ተነግሯል።

ስምምነቱም የሀገሪቱን የነዳጅ ምርት የማምረት አቅም በቀን በ280 ሺህ በርሜል የሚያሳድግ መሆኑ ነው የተገለፀው ።

በዚህ መሰረትም ስምምነቱን ለመፈፀም ብቁ ከሆኑ 33 ሀገር በቀል ድርጅቶች መካከል 10 ከሚሆኑት ጋር ስምምነት መፈፀሙን የኢራን ብሄራዊ የነዳጅ ኩባንያ አስታውቋል።

ስምምነቱ የተፈፀመውምኢራን ጉዳዩን አስመልክቶ ከአሜሪካ የተጣለባትንና ሊጣልባት የሚችለውን ማዕቀብ ወደ ጎን በመተው  የነዳጅ ምርቷን ለማሳደግ  ውሳኔ ላይ መድረሷን ተከትሎ ነው ተብሏል።

ቴህራን በቅርቡ ኢራን የ2015ቱን የኒውክሌር ስምምነት በሚጥስ መልኩ ዩራኒየም ማበልጸግ መጀመሯን ማስታወቋ ይታወሳል።

ይህን ተከትሎም አሜሪካ ቴህራን ከዚህ ድርጊቷ እንድትታቀብና በጉዳዩን በድጋሜ እንድታጤነው በተደጋጋሚ አስጠንቅቃለች ።

ቻይና እና ሩሲያ በበኩላቸው  ዋሽንግተን በኢራን ላይ የምትጥለው ጠንካራ ማዕቀብ ለኢራንን ከፍ ያለ መጠን ያለው ዩራኒየም ማበልጸግ መጀመር ምክንያት መሆኑን ይናገራሉ።

ምንጭ ፥presstv.com

You might also like
Comments
Loading...