Fana: At a Speed of Life!

ኢራን የብሪታኒያን ነዳጅ ጫኝ መርከብ በቁጥጥር ስር ማዋሏን ተከትሎ ሀገራቱ ውጥረት ውስጥ ገብተዋል

አዲስ አበባ፣ ሃምሌ 12፣ 2011 (ኤፍ.ቢ.ሲ) በብሪታኒያ ነዳጅ ጫኝ መርከቧ በቅርቡ የታገተባት ኢራን ትናትና ምሽት በሆርሙዝ የባህር ሰርጥ ላይ ሲቀዝፍ የነበረን የብሪታኒያ ነዳጅ ጫኝ መርከብ አግታለች፡፡

ይህንንም ተከትሎ የሁለቱ ሀገራት ዲፕሎማሲያዊ ግንኙነት ውጥረት የነገሰበት ሲሆን ብሪታኒያ ማስጠንቀቂያ አዘል መልዕክትን አስተላልፋለች፡፡

የብሪታኒያን ሰንደቅ አላማ እያውለበለበ በሆርሙዝ የናህር ሰርጥ ሲቅዝፍ የነበረው ስቴና ኢምፖሮ መርከብ  በአራት የኢራን አብዮታዊ ዘብ ጀልባዎች ተከቦ በቁጥጥር ስር እንደዋለ ነው የተነገረው፡፡

ይህንን ተከትሎ የብሪታኒያ የውጭ ጉዳይ ሚኒስትር ጄርሚ ሃንት በሰጡት መግለጫ  ለጉዳዩ በአፋጣኝ መፍትሄ ካልተሰጠው ከባድ ነገሮች ይከሰታሉ ያሉ ሲሆን  በአለም አቀፍ ባህሮች የመቅዘፍ መብት ሊከበር ይገባል ብለዋል፡፡

ችግሩን ለመቅረፍ ሀገራቸው ወታደራዊ አማራጮችን አትጠቀምም ያሉት የውጭ ጉዳይ ሚኒስትሩ ለችግሩ መፍትሄ ለመስጠት ዲፕሎማሲያዊ አካሄዶችን አንከተላልን ሲሉ ገልፀዋል፡፡

ኢራን ወደ ሶሪያ ነዳጅ ጭኖ ሲቀዝፍ የነበረ መርከቧ ጅንብራልተር ላይ በብሪታኒያ በቁጥጥር ስር ከዋለ በኋላ  አደጋኛ እና ህገ ወጥ አካሄድን መርጣለች በማለት ወቀሳ አቅርበዋል፡፡

የኢራን  መንግስታዊ የዜና ወኪል ኢአርኤንኤ  ነዳጅ ጫኝ መርከቡ በአካባቢው በአሳ ማጥመድ ከተሰማራ አነስተኛ ጀልባ ጋር በመጋጨቱ እና ለቀረበለት ጥሪ ምላሽ ባለመስጠቱ በቁጥጥር ስር እንደዋለ ዘግቧል፡፡

የመርከብ ባለቤት ኩባንያ በበኩሉ የቀረበውን ውንጀላ ያጣጣለ ሲሆን ነዳጅ ጫኝ መርከቡ በአለም አቀፍ የውሃ ክልል ሲቀዝፍ ነበረ ብሏል፡፡

ምንጭ፡- ቢቢሲ

You might also like
Comments
Loading...