Fana: At a Speed of Life!

ኢራቅ በሀገሪቱ የሚገኘው የአሜሪካ ኤምባሲ ለሞሳድና አይ ኤስ አገልግሎት እየሰጠ ነው ስትል ወቀሰች

አዲስ አበባ፣ ሃምሌ 8፣ 2011 (ኤፍ ቢ ሲ) ኢራቅ በሀገሪቱ ውስጥ የሚገኘው የአሜሪካ ኤምባሲ ለሞሳድና አይ ኤስ የተለያዩ አገልግሎቶችን እየሰጠ መሆኑን አስታውቃለች።

የኢራቅ ከፍተኛ የፓርላማ አባል ሃሰን ሳሌም በባግዳድ የሚገኘው የአሜሪካ ኤምባሲ  ለእስራኤሉ የሥለላ ድርጅት ሞሳድና አይ ኤስ ለተሰኘው የሽር ቡድን አገልግሎት እየሰጠ መሆኑን ተናግረዋል።

በኢራቅ የሚገኘው የአሜሪካ ቆንስላ ፅህፈት ቤት ወደ ሞሳድና አይ ኤስ ማዕከልነት ተቀይሯል ያሉት ሳሌም ፥ለዚህም ተጨባጭ መረጃ አለን ብለዋል።

ስለሆነም አሜሪካ በኢራቅ የውስጥ ጉዳይ ላይ ጣልቃ በመግባት የምታከናውነውን ሃላፊነት የጎደለው ተግባር ልታቆም ይገባል ነው ያሉት።

የኢራቅ የህግ አውጪ አካላት በበኩላቸው በሀገሪቱ የሚገኘው የአሜሪካ ኤምባሲ የተቀመጠለትን አላማ በመሳትና የዓለም አቀፉን ህግ በሚጥስ መልኩ የሚያከናውናቸው ተግባራት ሊወገዙ ይገባል ብለዋል።

በዚህ ድርጊቱም ኤምባሲው ህጋዊ  አሰራሩን ተከትሎ አገልግሎት እንዳይሰጥ ማድረግ ተገቢ መሆኑን ነው የገለጹት

ምንጭ ፦ presstv.com

You might also like
Comments
Loading...