Fana: At a Speed of Life!

አየር መንገዱ ወደ ህንዷ ቤንጋሉሩ ከተማ በረራ ሊጀምር ነው

አዲስ አበባ ፣ ሃምሌ 24 ፣ 2011 (ኤፍ ቢ ሲ) የኢትዮጵያ አየር መንገድ ወደ ህንዷ ቤንጋሉሩ ከተማ በረራ ሊጀምር ነው።

አየር መንገዱ ከቀጣዩ ጥቅምት ወር አጋማሽ በኋላ በረራውን እንደሚጀምር አስታውቋል።

የካራንታካ ግዛት መዲና የሆነችው ቤንጋሉሩ የቴክኖሎጅና የፈጠራ ውጤቶች መገኛ መሆኗ ይነገራል።

በረራው በሳምንት አራት ጊዜ ውስጥ የሚካሄድ ሲሆን፥ ለአየር መንገዱ በህንድ ሶስተኛ መዳረሻው ይሆናል።

የአየር መንገዱ ዋና ስራ አስፈጻሚ አቶ ተወልደገብረማርያም፥ የኢትዮጵያ አየር መንገድ ህንድን ከአፍሪካ ጋር በማገናኘት ግንባር ቀደም ሚና መጫወቱን አንስተዋል።

የበረራው መጀመርም ለአየር መንገዱ ደንበኞች አማራጭን የሚያሰፋ መሆኑንም ገልጸዋል።

ከዚህ ባለፈም በአፍሪካና በህንድ መካከል ያለውን የንግድ፣ ኢንቨስትመንትና ቱሪዝም ግንኙነት የሚያሳድግ መሆኑንም ጠቅሰዋል።

የኢትዮጵያ አየር መንገድ ወደ ቦምቤይ እና ደልሂ የአየር ትራንስፖርት አገልግሎት ይሰጣል።

ከዚህ በተጨማሪም ባንጋሎር፣ አህመዳባድ፣ ቼናይ እና ሙምባይ የጭነት አገልግሎት እየሰጠ ይገኛል።

 

You might also like
Comments
Loading...