Fana: At a Speed of Life!

አውስትራሊያ የፓሲፊክ ወታደራዊ ጥምረትን ልታቋቁም ነው

አዲስ አበባ ፣ ሃምሌ 16 ፣ 2011 (ኤፍ ቢ ሲ) አውስትራሊያ የፓሲፊክ ወታደራዊ ጥምረት ልታቋቁም ነው።

የሃገሪቱ መከላከያ ሚኒስትር ሊንዳ ሬይኖልድስ እንዳሉት፥ የሚመሰረተው ወታደራዊ ጥምረት የፓሲፊክ አካባቢን አንድነት ለማጠናከር የሚያግዝ ነው።

በወታደራዊ ጥምረቱ አመሰራረትና ሌሎች ዝርዝር ጉዳዮች ላይ ያሉት ነገር ባይኖርም ጥምረቱ በአካባቢው እያደገ የመጣውን የቻይናን ተፅዕኖ ለመቀነስ ያለመ ስለመሆኑ ተነግሯል።

የፓሲፊክ ድጋፍ ሰጭ ሃይል በሚል የሚቋቋመው ጥምረት፥ አቅምን ማሳደግ የሚያስችል ተንቀሳቃሽ ወታደራዊ ስልጠናዎችን የሚሰጥ ይሆናል።

በዚህም በአካባቢው በሚፈጠሩ የደህንነት ስጋቶች፣ የተፈጥሮ አደጋ፣ ሰላም ማስከበርና ሰብዓዊ እርዳታ ላይ ያተኩራል ብለዋል ሚኒስትሯ።

ይህን ማድረግ የሚያስችል ወታደራዊ ልምምድና ስልጠናም በጥምረቱ መካከል ይደረጋልም ነው ያሉት።

የጥምረቱ ሃሳብ የፓፓዋ ኒው ጊኒ ጠቅላይ ሚኒስትር ጀምስ ማራፔ በአውስትራሊያ የስድስት ቀናት ጉብኝት ካደረጉ በኋላ ይፋ ሆኗል።

በጥምሩ ስለሚካተቱ ሃገራትና ዝርዝር ጉዳዮች ግን የተባለ ነገር የለም።

ሬውተርስ ምንጮችን ጠቅሶ እንደዘገበው ወታደራዊ ጥምረቱ በተያዘው የፈረንጆች አመት ወደ ተግባር ይገባል።

 

 

ምንጭ፦ ሬውተርስ

 

You might also like
Comments
Loading...