Fana: At a Speed of Life!

አንጌላ ሜርክል በአንድ ወር ውስጥ ለሶስተኛ ጊዜ ሲንቀጠቀጡ ታዩ

አዲስ አበባ ፣ ሃምሌ 3 ፣ 2011 (ኤፍ ቢ ሲ) የጀርመን መራሂተ መንግስት አንጌላ ሜርክል በአንድ ወር ውስጥ ለሶስተኛ ጊዜ ሲንቀጠቀጡ ታይተዋል፡፡

መራሂተ መንግስት አንጌላ ሜርክል ለፊንላንድ ጠቅላይ ሚኒስትር በበርሊን አቀባበል ሲያደርጉ በከፍተኛ ሁኔታ ሲንቀጠቀጡ ማየት ተችሏል፡፡፡፡

ይህ ክስተት ካጋጠመ በኋላ አንጌላ ሜርክል በጣም ደህና ነኝ የሚያሰጋ ነገር የለም ሲሉም ነው የተደመጡት፡፡

የመንግስታቸው ቃል አቀባይም አንጌላ ሜርክል በተያዘላቸው እቅድ መሰረት ከጠቅላይ ሚኒስትሩ ጋር እንደሚወያዩ ተናግረዋል፡፡

የ64 ዓመቷ አንጌላ ሜርክል ከሁለት ሳምንት በፊት ለቡድን 20 ስብሰባ ወደ ጃፓን ባቀኑበት ወቅት በተመሳሳይ ሲንቀጠቀጡ መታየታቸው የሚታወስ ሲሆን በወቅቱ ለጋዜጠኞች ደህና መሆናቸው ገልፀው ነበር፡፡

በዛሬው ዕለትም ጠቅላይ ሚኒስትር አንቲ ሪኔን በተቀበሉበት ወቅት ሲንቀጠቀጡ ራሳቸውን ለመቆጣጠር ሙከራ ሲያደርጉ መመልከት ተችሏል፡፡

የመንቀጥቀጡ ስሜት በመላ ሰውነታቸው ላይ ተፅዕኖ የሚያሳድር ሲሆን ለደቂቃዎችም የሚቀጥል እንደሆነ ነው የተነገረው፡፡

አንጌላ ሜርክል ለመጀመሪያ ጊዜ ሲንቀጠቀጡ የታዩት ባለፈው ወር የዩክሬኑን ፕሬዚዳንት ቮሎድየምየር ዜሌንስከይን ሲቀበሉ ነበር፡፡

ምንጭ፡- ቢቢሲ

You might also like
Comments
Loading...