Fana: At a Speed of Life!

አሜሪካ የኢራንን ሰው አልባ አነስተኛ አውሮፕላን መምታቷን አስታወቀች

አዲስ አበባ፣ ሃምሌ 12፣ 2011 (ኤፍ ቢ ሲ) የአሜሪካ ባህር ሀይል በሆርሙዝ የባህር ሰርጥ ላይ የኢራንን ሰው አልባ አነስተኛ አውሮፕላን (ድሮን) መቶ መጣሉን ፕሬዚዳንት ዶናልድ ትራምፕ አስታወቁ፡፡

ፕሬዚዳንቱ ወደ ዩ ኤስ ኤስ ቦክሰር መርከብ በ914 ሜትሮች ርቀት ላይ ስትበር የነበረችውን የኢራን ድሮን የአሜሪካ ባህር ሀይል ራሱን ለመከላከል መምታቱን ተናግረዋል፡፡

ኢራን ተመታ ስለተባለው ሰው አልባ አነስተኛ አውሮፕላን ምንም አይነት መረጃ እንደሌላት ገልጻለች።

ቴህራን በቅርቡ በአካባቢው ሲበር የነበረን የአሜሪካ ሰው አልባ አነስተኛ አውሮፕላን መታ መጣሏ የሚታወስ ነው፡፡

በጂብራልተር በብሪታኒያ ንጉሳዊ ባህር ሀይል የኢራን ነዳጅ ጫኝ መርከብ መታገቱን ተከትሎ አፀፋ በሚመስል ሁኔታ ኢራን የውጭ ሀገር ነዳጅ ጫኝ መርከብን ከ12 አባላቱ ጋር ህገ ወጥ ነዳጅ ይዘው ሲዘዋወሩ በቁጥጥር ስር አውያለሁ ብላለች፡፡

አሜሪካ ኢራንን በርካታ መርከቦች በሚታላለፉበት የሆርሙዝ የባህር ሰርጥ በነዳጅ ጫኝ መርከቦች ላይ ጥቃት ፈፅማለች በማለት ስትወቅስ ኢራን በበኩሏ የሚቀርብባትን ክስ በተደጋጋሚ ውድቅ ስታደርግ ቆይታለች።

በአካባቢው እያጋጠሙ ያሉ ሁኔታዎች ወታደራዊ ግጭት እንዲፈጠር ምክንያት ሊሆኑ ይችላሉ የሚለውን ስጋት ከፍ አድርጎታል፡፡

ምንጭ፡-ቢቢሲ

You might also like
Comments
Loading...