Fana: At a Speed of Life!

አሜሪካ የንግድ መርከቦችን ከጥቃት መከላከል የሚያስችል ወታደራዊ ጥምረት ልታቋቁም ነው

አዲስ አበባ ፣ ሃምሌ 3 ፣ 2011 (ኤፍ ቢ ሲ) አሜሪካ የንግድ መርከቦችን ከጥቃት መከላከል የሚያስችል ወታደራዊ ጥምረት ከተለያዩ ሃገራት ጋር የማቋቋም ፍላጎት እንዳላት አስታወቀች።

የሃገሪቱ የጋራ ወታደራዊ ምክር ቤት ዋሽንግተን በየመን እና ኢራን የባህር ክልል የሚንቀሳቀሱ የንግድ መርከቦችን ደህንንት ማስጠበቅ የሚችል ወታደራዊ ጥምረት መመስረት የሚያስችለውን እቅድ ይፋ አድርጓል።

በእቅዱ መሰረት የሚመሰረተው ጥምር ጦር በባህረ ሰላጤው፣ በዓረቢያን የባህር ሰርጥ እና በአፍሪካ ቀንድ በሚገኙ የባህር ክልሎች የሚንቀሳቀሱ የንግድ መርከቦችን ደህንነት እንደሚጠብቅ የጋራ ምክር ቤቱ ሊቀ መንበር ጀኔራል ጆሴፍ ደንፎርድ ተናግረዋል።

አሁን የተዘጋጀው እቅድም በቀጣዮቹ ሳምንታት ውስጥ ይፋ ይሆናል ነው ያሉት።

ፕሬዚዳንት ትራምፕ በበኩላቸው ሃገራቸው ይቋቋማል ለተባለው ወታደራዊ ጥምረት ምንም አይነት ክፍያ አትፈጽምም ብለዋል።

ይልቁንም ጥምረቱ የንግድ መርከቦችን ደህንነት የሚያስጠብቅ ዓለም አቀፍ ወታደራዊ ጥምረት ይሆናል ሲሉም ተደምጠዋል።

ዓለም ላይ ለሽያጭ ከሚቀርበው የድፍድፍ ነዳጅ ዘይት ውስጥ 1/5 የሚሆነው በዚህ የባህር ክልል የሚያልፍ ነው።

አሜሪካም ከወር በፊት በአካባቢው በኢራን ተንኳሽነት በነዳጅ ጫኝ መርከቦች ላይ ጥቃት ተፈጽሟል በሚል ስትወቅስ ቆይታለች።

ከዚህ ጋር ተያይዞም በጉዳዩ ላይ ከኢራን ጋር ፍጥጫ ውስጥ የገባች ሲሆን፥ የአሁኑ እቅድም መሰል ትንኮሳዎችን ለመከላከልና የንግድ መርከቦችን ደህንነት ለመጠበቅ ያለመ ስለመሆኑም ገልጻለች።

 

 

ምንጭ፦ አልጀዚራ

 

You might also like
Comments
Loading...