Fana: At a Speed of Life!

አመጋገብ በማስተካከል ብቻ የስኳር በሽታ ተጋላጭነተን እስከ 23 በመቶ መቀነስ ይቻል- ጥናት

 

አዲስ አበባ፣ ሃምሌ 17፣ 2011 (ኤፍ.ቢ.ሲ) የምንከተለው የአመጋገብ ስርዓት ለጤናችን ወሳኝ የሆኑ ጠቀሜታዎች እንዳሉት በተለያዩ ጊዜያትየወጡ ጥናቶች ያመለክታሉ።

ከሰሞኑ የወጣ አዲስ ጥናት ደግሞ አመጋገባችንን  በማስተካከል ብቻ የስኳር ተጋላጭነተን በ23 በመቶ መቀነስ እንደሚቻል አመላክቷል።

ጥናቱ እንዳመለከተው አመጋገባችን ውስጥ አረንጓዴ አትክትሎችን አዘውትሮ መመገብ ከማይመገቡት ጋር ሲነጻጸር ለስኳር በሽታ የመገላጥ እድላችንን በ23 በመቶ ይቀንሳል።

በአሜሪካ ሀርቫርድ የህብረተሰብ ጤና ትምህርት ቤት ተመራማሪ የሆኑት ፍራንክ ኪያን እንዳስታወቁት፥ ከቅርብ ጊዜያት ወዲህ በበርካታ ሰዎች ዘንድ አትክትልትና ፍራፍሬን አዘውትሮ መመገብ እየተለመደ ነው፤ ከዚህ በመነሳትም አመጋገቡ ከስኳር በሽታ ጋር ምን አይነት ግንኙነት ይኖረዋል የሚለውን ለመለየት ጥናቱ መካሄዱን አስታውቀዋል።

ጥናቱ በ307 ሺህ የስኳር በሽታ ታማሚዎች ላይ የተካሄደ ሲሆን፥ ከእነዚህም ውስጥ 23 ሺህ 544 ተሳታፊዎች በሁለተኛው አይነት ስኳር በሽታ የተያዙ ናቸው።

ተመራማሪዎቹ በጥናታቸው ተሳታፊዎች ምን ያክል ከአረንጓዴ ተክል ጋር ግንኙነት ያለው ማለተም እንደ ፍራፍሬ፣ አትክልት እና መሰል ነገሮችን አዘውትረው ይመገባሉ የሚለውን ተመልክተዋል።

ጥናቱ በአጠቃላይ ከአረንጓዴ ተክል ጋር ግንኙነት ያለው ማለተም እንደ ፍራፍሬ፣ አትክልት እና መሰል ነገሮችን አዘውትረው የሚመገቡ ሰዎች ከማይመገቡት ጋር ሲነጻጸሩ የተሻለ ጤነኛ ሆነው መገኘታቸውን ለይቷል።

በተለይም ከስኳር በሽታ ተጋላጭነታቸው አንጻር ሲታይ ከአረንጓዴ ተክል ጋር ግንኙነት ምግቦችን  አዘውትረው የሚመገቡ ሰዎች ከማይመገቡት ጋር ሲነጻጸሩ በስኳር በሽታ የመያዝ እድላቸው በ23 በመቶ ቀንሶ መታየቱንም ነው ጥናቱ የለየው።

ምንጭ፦ www.upi.com/Health

You might also like
Comments
Loading...