Fana: At a Speed of Life!

ቼልሲ ፍራንክ ላምፓርድን አሰልጣኝ አድርጎ ሾመ

አዲስ አበባ፣ ሰኔ 27፣ 2011 (ኤፍ.ቢ.ሲ) ቼልሲ የቀድሞ የአማካይ ስፍራ ተጫዋቹን ፍራንክ ላምፓርድን አሰልጣኝ አድርጎ መሾሙ ታውቋል።

የ41 ዓመቱ የቀድሞ የቼልሲ አማካይ ተጫዋች ፍራንክ ላምፓርድ ለ13 ዓመታት በተጫዋችነት ያሳለፈበትን የቀድሞ ክለቡን ለማሰልጠን የሶስት ዓመታት ውል መፈረሙም ተነግሯል።

ደርቢ ካውንቲን ሲያሰለጥን የነበረው ላምፓርድ ወደ ጁቬንቱስ ያመሩትን ማውሪሲዮ ሳሪን በመተካት ነው ቼልሲን የማሰልጣን ኃላፊነትን የተረከበው።

የአሰልጣኝነት ስራውን ደርቢ ካውንቲ የጀመረው ላምፓርድ በመጀመሪያ ቆይታውም ክለቡን ለቻምፒየንስ ሺፕ ፍፃሜ ማድረስ መቻሉም ይታወቃል።

ላምፓርድ ለቼልሲ አሰልጣኝነት አንዲመረጥ ካደረጉት ምክንያቶች ውስጥም ደርቢ ካውንቲን ለፍፃሜ ማድረሱ እንደሆነ የቼልሲ ዳይሬክተር ማሪና ግራኖቪስካ አስታውቀዋል።

13 ዓመታትን በቼልሲ ቤት ያሳለፈው ላምፓርድ 648 ጨዋታዎችን ለክለቡ ተሰልፎ የተጫወተ ሲሆን፥ ጋር 13 ዋንጫዎችንም ከቼልሲ ጋር አንስቷል።

ላምፓርድ አዲሱ የኤልሲ አሰልጣኝ ከሆነ በኋላ በሰጠው አስተያየትም “ወደ ቀድሞ ክለቤ አሰልጣኝ ሆኜ በመመለሴ ከፍተኛ ኩራት ይሰማኛል፤ ለክለቡ ያለኝን ፍቅር ሁሉም ይረዳዋል” ብሏል።

ለሁለት ዓመታት ተጫዋቾችን የማዘዋወር እግድ የተጣለበትን ቼልሲ የተፈከበር ፍራንክ ላምፓርድ ትኩረቱን በቀጣዩ የውድድር ዘመን ላይ ማድረግ እንደሚፈልግም አስታውቋል።

ደርቢ ካውንቲ ምክትል አሰልጣኝ ጆደይ ሞሪስ እና ክሪስ ጆንስም በስታንፎርድ ብሪጅ ፍራንክ ላምፓርድን የተቀላቀሉ ሲሆን፥ ከቀድሞ የክለብ አጋሩ ፒተር ቼክም ከወር በፊት የክለቡ ቴክኒካል አማካሪ ሆኑ መሾሙም ይታወሳል።

ምንጭ፦ www.bbc.com

You might also like
Comments
Loading...