Fana: At a Speed of Life!

ቱርክ የመጀመሪያዎቹን ኤስ -400 ፀረ አውሮፕላን ሚሳኤሎች መረከቧን አስታወቀች

አዲስ አበባ፣ ሃምሌ 5፣ 2011 (ኤፍ.ቢ.ሲ) ቱርክ የመጀመሪያዎቹን ኤስ-400 ፀረ አውሮፕላን ሚሳኤል ከሩሲያ መረከቧን አስታወቀች፡፡

የመጀመሪያዎቹ የኤስ-400 የፀረ አውሮፕላን ሚሳኤሎች ቱርክ መድረሳቸውን የሃገሪቱ መከላከያ ሚኒስቴር ይፋ አድርጓል፡፡

ሩሲያ ሰራሹ መሳሪያ በቱርኩ ሙርታድ ወታደራዊ ሰፈር መግባቱንም ሚኒስቴሩ አስታውቋል።

የመከላከያ ባለስልጣናቱም ከምድር ወደ አየር የሚወነጨፈውን ሚሳኤል የማስገባቱ ስራ ይቀጥላል ብለዋል።

ሚሳኤሎቹ በአውሮፓውያኑ 2019 አገልግሎት ላይ ይውላሉ ተብሎ ይጠበቃል።

ከወራት በፊት ቱርክ ሩሲያ ሰራሹን መሳሪያ ለመግዛት ከሞስኮ ጋር መስማማቷ ይታወሳል።

ዛሬ ደርሰዋል የተባሉት ሚሳኤሎችም የስምምነቱ አካል ናቸው።

ይህ ሁኔታ ግን ምዕራባውያንን አላስደሰተም ነበር፤ መሳሪያው በተለይም ከራዳር እይታ ውጭ መብረር ለሚችሉት ኤፍ 35 ተዋጊ ጀቶች ስጋት መሆኑም ይነገራል።

ይህን ተከትሎም አሜሪካና የሰሜን ጦር ቃል ኪዳን ድርጅት (ኔቶ) አባል ሃገራት ቱርክ የመሳሪያውን ግዥ እንድትሰርዝ ሲወተውቱ ከርመመዋል።

የዛሬው ርክክብም አንካራ የዋሽንግተንን ማስጠንቀቂያ ችላ ማለቷን ማሳያ ነው ተብሏል።

ይህን ተከትሎም ቱርክ ከአሜሪካ ከባድ ኢኮኖሚያዊ ማዕቀብ ይጠብቃታል እየተባለ ነው።

ምንጭ፡- አልጀዚራ

You might also like
Comments
Loading...