Fana: At a Speed of Life!

ተመራማሪዎች በኤች አይ ቪ የተጠቃች አይጥን ከበሽታው ነፃ አደረጉ

አዲስ አበባ፣ ሰኔ 27፣ 2011 (ኤፍ.ቢ.ሲ) ተመራማሪዎች ለመጀመሪያ ጊዜ በኤች አይ ቪ የተጠቃች አይጥን ከቫይረሱ ነፃ ማድረጋቸው የተነገረ ሲሆን ይህም የሰዎችን ከበሽታው የመዳን ተስፋ ከፍ እንዳደረገው ተነገረ፡፡

የኤች አይ ቪ ቫይረስ በሽታ የሰውነትን በሽታ የመከላከል አቅም የሚያዳክምና በሰውነት ወስጥ የሚገኝ የሲዲ 4 መጠን እንዲቀንስ የሚያደርግ ነው፡፡

የቴምፕል ዩኒቨርስቲና የኔብራስካ ህክምና ማዕከል የበራሄ ማሻሻያ ቴክኖሎጂን  በመጠቀም እና  የፀረ ቫይረስ መድሃኒትን ቀስ በቀስ ከደም ጋር እንዲዋሃድ በማድረግ  አይጥን ከኤች አይ ቪ ቫይረስ ነፃ ማድረጋቸው ነው የተነገረው፡፡

ይህም የአች አይ ቪ ቫይረስ በሽታ ሊድን የሚችልበት  እድል መኖሩን  ያሳየ እንደሆነ ሆዋርድ ጄንዴልማን የተባሉ ተመራማሪ የተናገሩ ሲሆን ትንሽ ጊዜን የሚወስድ ቢሆንም የተገኘው ውጤት አስደናቂ ነው ብለዋል፡፡

በአለም አቀፍ ደረጃ 37 ሚሊየን የሚሆኑ ሰዎች በኤች አይ ቪ ቫይረሱ እንደተጠቁ መረጃዎች  ያመለክታሉ፡

ተመራማሪዎቹ ሌዘር አርት የተሰኘ ጥበብን በመጠቀም 23 የሚሆኑ አይጦች  ከሰው ጋር ተመሳሳይ የሆነ በሽታ የመከላከል ስርዓት እንዲኖራቸው ተደርጓል፡፡

በዚህም ተመራማሪዎቹ የቫይረሱን ስርጭት የሚካከለውን መድሃኒት ኬሚካል  ሂደትና የሚዋህድበትን ሁኔታ መቆጣጠር ችለዋል ነው የተባለው፡፡

ከዚህ ባለፈ ተመራማሪዎቹ የበራሄ ማሻሻያ መሳሪያዎችን ( ክሪስፐር- ካስ 9)  በመጠቀም በዲ ኤን ኤ ላይ በራሄ ለመጨመር ወይንም መቀነስ ችለዋል ሲል የዩ ኤስ ኤ ቱደይ  በዘገባው አስፍሯል፡፡

ሁለቱ አሰራሮች በተለያየ መንገድ የሚሰሩ ቢሆንም በአንድ ላይ ሲሆኑ መልካም ውጤት ይኖራቸዋል ሲሉ ተመራማሪዎች ተናግረዋል፡፡

ይህ ሂደት ወጤታማ መሆን የሚችለው ሁሉንም ቫይረሶች ከሰውነት ነፃ ማድረግ ሲቻል ነው  ያሉት ተመራማሪዎቹ ከ23 አይጦች መካከል በ9ኙ ላይ ሙለ በሙሉ ውጤታማ ሆኗል፡፡

You might also like
Comments
Loading...