Fana: At a Speed of Life!

ብራዚል የኮፓ አሜሪካ አሸናፊ ሆነች

አዲስ አበባ ፣ ሃምሌ 1 ፣ 2011 (ኤፍ ቢ ሲ) በብራዚል አስተናጋጅነት ሲካሄድ የቆየው የኮፓ አሜሪካ ውድድር በአስተናጋጇ ብራዚል አሸናፊነት ተጠናቋል።

ሌሊት ፍጻሜውን ባገኘው ውድድር ብራዚል በፍጻሜው ፔሩን 3 ለ 1 በማሸነፍ ለአምስተኛ ጊዜ ያስተናገደችውን ውድድር ማንሳት ችላለች።

ሶሳ ሶሬስ፣ ጋብሬል ጄሱስ እና ሪቻርሊሰን ለብራዚል የማሸነፊያ ጎሎቹን አስቆጥረዋል።

ጉሬሮ ደግሞ የፔሩን ማስተዛዘኛ ጎል ማስቆጠር ችሏል።

በጨዋታው አንድ ጎል ያስቆጠረው ጋብሬል ጄሱስ በሁለት ቢጫ ቀይ ካርድ ከሜዳ ወጥቷል።

በሌላ በኩል በአፍሪካ ዋንጫ ማዳጋስካር እና አልጀሪያ ሩብ ፍጻሜውን ተቀላቅለዋል።

ትናንት ምሽት በተካሄዱ ሁለት የጥሎ ማለፍ ጨዋታዎች ማዳጋስካር ዴሞክራቲክ ሪፐብሊክ ኮንጎን በመለያ ምት አሸንፋለች።

መደበኛው የጨዋታ ክፍለ ጊዜ ሁለት አቻ በተጠናቀቀው ጨዋታ ማዳጋስካር በመለያ ምት 4 ለ 2 ማሸነፍ ችላለች።

ማታ 4 ሰዓት ላይ በተደረገ ሌላ ጨዋታ ደግሞ አልጀሪያ ጊኒን 3 ለ 0 አሸንፋለች።

በሴቶች የዓለም ዋንጫ ደግሞ አሜሪካ ኔዘርላንድስን 2 ለ 0 በመርታት የውድድሩ አሸናፊ ሆናለች።

 

 

You might also like
Comments
Loading...