Fana: At a Speed of Life!

ቤጂንግ 4 ሺህ 300 የ5ጂ ኢንተርኔት ማዕከላትን ገነባች

አዲስ አበባ፣ ሰኔ 28፣ 2011 (ኤፍ ቢ ሲ) ቤጂንግ 4ሺህ 300 የ5ጂ ኢንተርኔት ማዕከላት መገንባቷን አስታውቃለች።የቻይናዋ ዋና ከተማ ቤጂንግ በተለያዩ የከተማዋ አካባቢዎች 4 ሺህ 300 የሚደርሱ የ5 ጂ ኢንተርኔት ማዕካላት መገንባቷ ተነግሯል።

ማዕከላቱ የተገነቡት በመንግስት አስተዳደር ቢሮዎች፣ በአዲሱ አውሮፕላን ማረፊያ፣ በዓለም አቀፍ የበባና እፅዋት ኤግዚቪሽን ማዕከላት እና በኦሎምፒክ መወዳደሪያ ስፍራዎች ነው ተብሏል።

በአውሮፓያኑ 2021 ላይም ከተማዋ በቢዝነስ ተቋማት፣ በምርምርና ጥናት ማዕከላት እንዲሁም በኢኮኖሚና ቴክኖሎጂ ማስፋፊያ ፕሮጀክቶች ላይ የ5ጂ ኢንተርኔት አግልግሎት የሚሰጡ ጣቢያዎችን እገነባለሁ ብላለች።

ቻይና የ5ጂ ኢንተርኔት አግልግሎትን ለንግድ አግልግሎት ለመጠቀም የሚያስችል ሙሉ ፍቃድ የሰጠችው ባሳለፍነው ሳምንት መሆኑም በዘገባው ተመላክቷል።

በዚህም መሰረት በሀገሪቱ የቴሌኮም አገልግሎት የሚሰጡት ቻይና ሞባይል፣ ቻይና ዩኒኮምና ቻይና ቴሌኮም የ5ጂ ኢንተርኔት የንግድ ፍቃድ ማግኘታቸው ተገልጿል።

ምንጭ ፦ሲ ጂ ቲ ኤን

 

You might also like
Comments
Loading...