Fana: At a Speed of Life!

ባለስልጣኑ 57 የምግብ ምርት አይነቶችን ህብረተሰቡ እንዳይጠቀም አሳሰበ

አዲስ አበባ ፣ ሃምሌ 3 ፣ 2011 (ኤፍ ቢ ሲ) የኢትዮጵያ ምግብ መድሃኒትና ጤና ክብካቤ አስተዳደር ቁጥጥር ባለስልጣን 57 የምግብ ምርት አይነቶችን ህብረተሰቡ እንዳይጠቀም አሳሰበ።

ባለስልጣኑ ለፋና ብሮድካስቲንግ ኮርፖሬት በላከው መግለጫ በምግቦቹ ጥራትና ደህንነት ላይ ባደረገው የገበያ ጥናት የምግብ ምርቶቹ መሰረታዊ የገላጭ የፅሁፍ ክፍተት ያለባቸው፣ የሚመረቱበት ቦታ የማይታወቅ፣ የንጥረ ነገር ይዘት የሌላቸው፣ አምራች ድርጅቶቹ የማይታወቁ፣ የምርት መለያ ቁጥር፣ የተመረቱበት ጊዜ እና የምርቱ ማብቂያ ጊዜ ገላጽ ፅሁፍ የሌላቸው ናቸው ብሏል።

ከዚህ ጋር ተያይዞም ምርቶቹን ህብረተሰቡ እንዳይጠቀማቸውና ተቆጣጣሪ አካላት ምርቶቹን በአፋጣኝ ከገበያ ላይ እንዲሰበስቡም ጥሪውን አቅርቧል።

በባለስልጣኑ ህብተረሰቡ እንዳይጠቀማቸው የተከለከሉ የምግብ አይነት ዝርዝሮች፤

የከረሚላ ምርቶች፤ ጆሊ ሎሊፖፕ፣ አናናስ ከረሚላ፣ ኮላስ ከረሚላ፣ ኦሊ ፖፕ፣ ቤስት ከረሚላ፣ የስ ከረሚላ (ኮፊ ከረሚላ)፣ ማሚ ሎሊ ፖፕ፣ ሳራ ከረሚላ፣ ጃር ሎሊ ፖፕ፣ ጸሃይ ሎሊ ፖፕ፣ ዩኒክ ሎሊ ፖፕ፣ እንጆሪ ከረሚላ፣ ብርቱካን ከረሚላ፣ ይናቱ ሎሊ ፖፕ እና ሃላዋ ከረሚላ፤

የማር ምርቶች፤ አፍያ የተፈጥሮ ማር፣ ሪትም ማር እና በላይ ማር፣

የገበታ ጨው፤ ዊዲ፣ ሱላ፣ ናይ፣ ሃያት፣ አቤት፣ በእምነት፣ እናት፣ አባይ፣ አባት፣ ሴፍ እና ጣዕም የገበታ ጨው

የለውዝ ቅቤ፤ ደስታ፣ አስነብ፣ ኑኑ፣ አቢሲኒያ፣ ብስራት፣ ፈሌ፣ ሳባ፣ አዳ እና አደይ የለውዝ ቅቤ

የኑግ ዘይት፤ አደይ አበባ እና ቀመር የኑግ ዘይት

አልሚ የህጻናት ምግቦች፤ ምሳሌ የህጻናት ምግብ፣ ኤልሞ የልጆች ምግብ፣ ሂሩት የህጻናት አጃ፣ ዘይነብ የህጻናት አጥሚት፣ ተወዳጅ ገንቢ የህጻናት አጥሚት፣ ተወዳጅ የህጻናት ሽሮ እና ፋሚሊ ሃይል ሰጭና ገንቢ የህጻናት ሽሮ፣

ቪንቶ፤ ዴኮ፣ እስፔሻል፣ ዳና፣ ቃና፣ ላራ፣ ዛጎል አቼቶ፣ ናይስ አቼቶ፣ አምቴሳ አቼቶ፣ ማይ አቼቶ፣ መስ አቼቶ እና ቫይኪንግ አቼቶ ምርቶች ህብረተሰቡ እንዳይጠቀማቸው ታግደዋል።

 

You might also like
Comments
Loading...