Fana: At a Speed of Life!

በፓኪስታን በደረሰ የባቡር አደጋ በትንሹ የ10 ሰዎች ህይወት አለፈ

አዲስ አበባ፣ ሐምሌ 4፣ 2011 (ኤፍ.ቢ.ሲ) በፓኪስታን ራሂም ያር ካሃን ከተማ በደረሰ የባቡር አደጋ በትንሹ የ10 ሰዎች ህይወት ማለፉ ተገለፀ።

የባቡር አደጋው የደረሰው የመንገደኞችን አሳፍሮ ሲጓዝ የነበረ ባቡር ከቆሞ ከነበረ እቃ ጫኝ ባቡር ጋር በመጋጨቱ እንደሆነም ነው የተነገረው።

የአካባቢው ፖሊስ እና የህክምና ባለሙያዎች እንዳስታወቁት ከሆነ በአደጋው በትንሹ የ10 ሰዎች ህይወት ሲያልፍ፤ ከ70 በላይ ሰዎች ላይ ደግሞ ከቀላል እስከ ከናድ የአካል ጉዳት መድረሱን አስታውቀዋል።

የአካባቢው ፖሊስ አዛዥ ኡመር ሳላማት እንዳስታወቁት፥ የባቡር አደጋው የደረሰው የመንገደኞች ባቡሩ ከቆመ የእቃ ጫኝ ባቡር ጋር በመጋጨቱ ነው።

ይህ ሊሆን የቻለውም የመንገኞች ባቡሩ መንገዱን በመሳቱ እና የእቃ ጫኝ ባቡሩ በቆመበት መንገድ ላይ በመግባቱ እንደሆነም አስታውቀዋል።

በአሁኑ ሰዓትም የአደጋ ጊዜ ሰራተኞች ባቡሩ ውስጥ ተጣብቀው የቀሩ ሰዎችን ለማላቀቅ እየሰሩ መሆኑንም ነው የፖሊስ አዛዡ ያስታወቁት።

ምንጭ፦ www.aljazeera.com

You might also like
Comments
Loading...