Fana: At a Speed of Life!

በፍርግርግ ብረት በመሹለክ ከማረሚያ ቤት ያመለጠው ግለሰብ

አዲስ አበባ፣ ሰኔ 28፣ 2011 (ኤፍ ቢ ሲ) በቦሊቪያ በፍርግርግ ብረት ውስጥ በመሹለክ ከማረሚያ ቤት ያመለጠው ግለሰብ አነጋጋሪ ሆኗል።

ጆርጅ ማንቲላ የተባለው ተጠርጣሪ ማረሚያ ቤቱ በታጠረበት ጠባብ ፍርግርግ ብረት ውስጥ ሾልኮ በመውጣት ከእስር ማምለጡ ተነግሯል።

ግለሰቡ በጠባብ ፍርግርግ ብረት ውስጥ ሲሾልክ የሚያሳይ ተንቀሳቃሽ ምስል ኢንተርኔት ላይ መለቀቁን ተከትሎም ብዙዎች በድርጊቱ ተገርመዋል።

በተንቀሳቀሽ ምስሉም ተጠርጣሪው ብዙም ሳይቸገር በጠባብ ፍርግርግ ብረት ውስጥ ሾልኮ ሲያልፍ ይታያል።

ይህም ግለሰቡ አደገኛ የስርቆት ልምድ ያለው መሆኑን የሚያሳይ ነው ሲሉ ምስሉን የተመለከቱ የማህበራዊ ትስስር ገፅ ተጠቃሚዎች ገልፀዋል።

ተጠርጣሪው ችሎታውን በመጠቀም ከማረሚያ ቤት ማምለጡን ተከትሎ ፖሊሶች ባካሄዱት አሰሳ ወደ ጎረቤት ሀገር ሊሸስ ሲል በቁጥጥ ስር መዋሉ ተገልጿል።

ግለሰቡ መጀመሪያ ላይ መኖሪያ ቤት ሰብሮ በመግባት የስርቆት ወንጀል ፈጽሟል በሚል ተጠርጥሮ በቁጥጥር ስር ውሎ ነበር ተብሏል።

 

ምንጭ፦ኦዲቲ ሴንትራል

 

You might also like
Comments
Loading...