Fana: At a Speed of Life!

በግሪክ ነፋስና በረዶ በቀላቀለ ከባድ ዝናብ የስድስት የውጭ ሀገር ዜጎች ህይወት አለፈ

አዲስ አበባ፣ ሃምሌ 4፣ 2011 (ኤፍ.ቢ.ሲ) በግሪክ ነፋስና በረዶ በቀላቀለ ከባድ ዝናብ የስድስት የውጭ ሀገር ዜጎች ህይወት አለፈ፡፡

በሰሜን ግሪክ የክረምት ቱሪስት መዳራሻዋ ሃልኪዲኪ የባህር ዳርቻ አካባቢ ነፋስና በረዶ በቀላቀለው ከባድ ዝናብ የስድስት የውጭ ሀገር ዜጎች ህይወት ማለፉ ተነግሯል፡፡

ከሟቾቹ መካከል የቼክ ሪፐብሊክ፣ ሮማኒያ እና የሩሲያ ዜጎች የሚገኙበት ሲሆን፣ ሁለቱ ህፃናት ናቸው ተብሏል፡፡

በተጨማሪም 100 ያህል ሰዎች ላይ ጉዳት ማድረሱም ነው የተገለጸው፡፡

በዚሁ አደጋ የቤት ጣራዎች ተደርምሰዋል፤ ዛፎች ከስራቸው እየተነቀሉ ወድቀዋልም ነው የተበለው፡፡

በአካባቢው ኒያ ሞውዳኔይ የተባለው ጤና ማዕከል ዳይሬክተር የሆኑት አቲኖስዮስ ካልታስ በአደጋው ጉዳት የደረሰባቸው ዜጎች የጤና ክትትል እየተደረገላቸው መሆኑን ለሀገሪቱ ቴሌቪዥን ተናግረዋል፡፡

አሁንላይ በአከባቢ የአስቸኳይ ጊዜ አዋጅ የታወጀ እና የእሳት እና ድንገተኛ አደጋ ሰራተኞች የነፍስ አድን ስራ ላይ መሰማራታቸውን ዘገባው ያስረዳል፡፡

ምንጭ፡- ሬውተርስ

You might also like
Comments
Loading...