Fana: At a Speed of Life!

በዲሞክራሲያዊ ኮንጎ የተከሰተው የኢቦላ ወረርሽኝ  አለም አቀፍ ስጋት መሆኑ ይፋ ሆነ

አዲስ አበባ፣ ሃምሌ 11፣ 2011 (ኤፍ.ቢ.ሲ)የአለም ጤና ድርጅት በዲሞክራሲያዊ ኮንጎ የተከሰተው የኢቦላ በሽታ አለም አቀፍ ስጋት  መሆኑን ይፋ አደረገ፡፡

የአለም ጤና ድርጅት ይህን ይፋ ማድረጉም የበለፀጉ ሀገራት በሽታውን ለመከላከል የገንዘብ ድጋፍ እንዲያደርጉ ያነሳሳቸዋል ነው የተባለው፡፡

ነገር ግን የኢቦላ በሽታ ወደ አካባቢው የመሰራጨት እድሉ ከፍተኛ አይደለም ያለው ድርጅቱ ሰለድንበሮች መዘጋት ያለው ነገር የለም፡፡

በዲሞክራሲያዊ ኮንጎ የተከሰተው የኢቦላ  ወረርሽን ከ 1 ሺህ 600 በላይ ሰዎች መግደሉን የአለም ጤና ድርጅት ሪፖርት ያመለክታል፡፡

በዚህ ሳምንት የመጀመሪያው የኢቦላ ምልክት በሚሊየን የሚቆጠሩ ነዋሪዎች በሚገኙበት ጎማ ግዛት እንደታየ ነው የተነገረው፡፡

በምዕራብ አፍሪካ ሀገራት ከ2014 እስከ 2016 ባሉት ጊዜያት የኢቦላ በሽታለ 11 ሺህ ሰዎች ህልፈት ምክንያት እንደሆነ ተነግሯል፡፡

የአለም ጤና ድርጅት ዳይሬክተር ዶክተር ቴዎድሮስ አድሃኖም የአለም ህዝብ የኢቦላ በሽታ የአለም ስጋት የሆነ በሽታ መሆኑን ማወቅ ይገባቸውዋል ብለዋል በሰጡት መግለጫ፡፡

ዶክተር ቴዎድሮስ በጉዞ እና ንግድ ላይ ገደብ ሊኖር እንደማይገባ አስተያየት መቀበላቸውን የተናገሩ ሲሆን በኤሪፖርቶችና ወደቦች ላይም ወረርሽኑ ከተከሰተበት አካባቢ ውጭ የጤና ፍተሻ እንደማይኖር ተናግረዋል፡፡

አለም አቀፍ የቀይ መስቀል እና ቀይ ጨረቃ ማህበራትም የአለም ጤና ድርጅት ወሳኔ አድንቀዋል፡፡

ምንጭ፡- ቢቢሺ

You might also like
Comments
Loading...