Fana: At a Speed of Life!

በወቅታዊ የጸጥታ ሁኔታ ላይ ያተኮረ የመከላከያ ከፍተኛ አመራሮች ውይይት ተካሄደ

አዲስ አበባ፣ ሃምሌ 12፣ 2011 (ኤፍ.ቢ.ሲ) በወቅታዊ የጸጥታ ሁኔታ ላይ ያተኮረ የመከላከያ ከፍተኛ አመራሮች ውይይት ተካሄደ፡፡

የጦር ሃይሎች ጠቅላይ ኤታማዦር ሹም ጀኔራል አደም ማህመድ ባስጀመሩት በዚህ ውይይት፥ የመከላከያ ከፍተኛ አመራሮች በወቅዊ የጸጥታ ጉዳዮች እና በሰራዊቱ ወቅታዊ ሁኔታ ላይ ያተኮረ ውይይት ተካሂዷል፡፡

የተቋሙ ከፍተኛ አመራሮች በቅርቡ በተቋሙ አመራሮችና በአማራ ክልል አመራሮች ላይ የደረሰው አደጋ ከፍተኛ ቁጭትን የፈጠረ መሆኑን በመግለጽ እና በማውገዝ በቀጣይ እንዳይደገም እንደሚሰሩ በውይይቱ ማጠቃለያ ላይ ባወጡት ባለ 9 ነጥብ የአቋም መግለጫ አረጋግጠዋል፡፡

የኢፌዴሪ መከላከያ ሰራዊት ለሃገራችን እና ህዝባችን ሰላም ሲባል መስዋዕትነት እየከፈለ የመጣ መሆኑን በመጥቀስ፥ በቀጣይም የተለያዩ ጽንፈኛ ኃይሎች እና ህገ ወጦችን በመታገል የሃገሪቱን ሰላም እና ደህንነት እንደሚያረጋግጥ ተገልጿል፡፡

አሁን ላይ ሰራዊቱ ከምንጊዜውም በላይ ህገ መንግስታዊ ተልዕኮውን በብቃት ለመወጣት በሚያስችለው ቁመና ላይ እንደሚገኝም ነው የተገለጸው፡፡

የተሰው ጓዶች ህልፈት ተቋሙን ለቀጣይ ስራ የበለጠ ለመስዋዕትነትና ጀግንነት የሚያነሳሳ እንጅ የሚያዳክም እንዳልሆነ ሁሉም ሊገነዘበው እንደሚገባም ተቋሙ አስታውቋል፡፡

ውይይቱ ከምንጊዜውም በላይ ከፍተኛ መግባባትና የአንድነት መንፈስ የተፈጠረበት መድረክ መሆኑን ሚኒስቴሩ ለፋና ብሮድካስቲንግ ኮርፖሬት የላከው መግለጫ ያመላክታል፡፡

You might also like
Comments
Loading...