Fana: At a Speed of Life!

በክረምት በጎ ፈቃድ መርሃግብር 14 ሺህ ከረጢት ደም ለመሰብሰብ ታቅዷል

አዲስ አበባ፣ ሃምሌ 5፣ 201 (ኤፍ.ቢ.ሲ) በዘንድሮው የክረምት በጎ ፍቃድ መርሃ ግብር 14 ሺህ ከረጢት ደም ለመሰብሰብ ማቀዱን የብሔራዊ የደም ባንክ አስታወቀ።

በኢትዮጵያ በዓመት ከ300 መቶ ሺህ ዩኒት ደም በላይ ለመንግስት እና ለግል የጤና ተቋማት እንደሚያስፈልግ ይነገራል፡፡

ይሁን እንጅ ከወሊድና ከትራፊክ አደጋ መበራከት ጋር ተያይዞ የደም ፈላጊዎች ቁጥር ከቀን ወደ ቀን እየጨመረ ይገኛል፡፡

የብሄራዊ ደም ባንክ በበኩሉ በፈቃደኝነት የደም ለጋሾችን ቁጥር በማብዛት ችግሩን ለመቅረፍ እየሰራ መሆኑን ይገልጻል።

በየዓመቱ ከሶስት እስከ አራት ጊዜ ደም የሚለግሱ ከ100 ሺህ በላይ በጎ ፈቃደኞች ደም ለጋሾች እንዳሉም መረጃዎች ያመላክታሉ።

ከፋና ብሮድካስቲንግ ኮርፖሬት ጋር ቆይታ ያደረጉት የብሔራዊ የደም ባንከ አገልገሎት የቡድን መሪ አቶ ዘላለም ካሳዬ ከሐምሌ አንድ ጀምሮ በአዲስ አበባ እና በክልል ከተሞች
የበጎ ፈቃደኝነት የደም ልገሳ ስራ በስፋት እየተሰራ ነው ብለዋል።

በተለይም በአዲስ አበባ ከተማ በአስሩም ክፍለ ከተሞች በክረምት የበጎ ፈቃድ መርሃ ግር ደም ለመሰብሰብ አስፈላጊው ዝግጅት መደረጉን ተናግረዋል፡፡

ደም የመለገስ ልምድና ግንዛቤ በ2011 ዓ.ም ካለፉት ዓመታት አንጻር የተሻለ እንደነበረ የተገለፀ ቢሆንም አሁንም ግን ደም ለመለገስ የግንዛቤ ማስጨበጥ ስራ በስፋት መሰራት አለበት ተብሏል።

በሲሳይ ጌትነት

You might also like
Comments
Loading...