Fana: At a Speed of Life!

በካቡል ዩኒቨርሲቲ አቅራቢያ በተከሰተ ፍንዳታ የ8 ሰዎች ሕይወት አለፈ

አዲስ አበባ፣ ሃምሌ 12፣ 2011 (ኤፍ.ቢ.ሲ) በአፍጋኒስታን ካቡል ዩኒቨርሲቲ አቅራቢያ በተከሰተ ፍንዳታ የ8 ሰዎች ሕይወት አለፈ፡፡

በፍንዳታው ህይታቸው ካለፈው በተጨማሪ 33 ሰዎች መቁሰላቸውን የአፍጋኒስታን የጤና ሚኒስትር ቃል አቀባይ ዋሂዱላህ ማያር በትዊተር ገፃቸው አስፍረዋል፡፡

ትምህርታቸውን የሚከታተሉ የዩኒቨርሲቲው ተማሪዎች በሚሰባሰቡባቸው ቤቶችና በዩኒርሲቲው ተማሪዎች መኖሪያ አካባቢ መከሰቱም ነው የተገለጸው፡፡

ፍንዳታው በሁለት ተሽከርካሪዎች ላይ የተፈጸመ ሲሆን፥ በማን እና እንዴት እንደተፈጸመ ግን አልታወቀም።

እስካሁን ለፍንዳታው ሃልፊነቱን የወሰደ አካል እንደሌለም ተነግሯል፡፡

በአፍጋኒስታን መንግስትና በታሊባን ታጣቂዎች መካከል በሚከሰት ግጭት የሚሞቱ ንጹሃን ዜጎች ቁጥር ወደ ዜሮ ለማውረድ ጥሪ መቅረቡ ይታወሳል።

ምንጭ፡- አልጀዚራ

You might also like
Comments
Loading...