Fana: At a Speed of Life!

በአፍሪካ ዋንጫ ሴኔጋል እና አልጄሪያ ለዋንጫ ይፋለማሉ            

አዲስ አበባ ፣ ሃምሌ 8 ፣ 2011 (ኤፍ ቢ ሲ) በአፍሪካ ዋንጫ ሴኔጋል እና አልጄሪያ የፍጻሜ ተፋላሚ መሆናቸውን አረጋገጡ።

ትናንት ምሽት የግማሽ ፍጻሜ ጨዋታዎች ተካሂደዋል።

1 ሰዓት ላይ ቱኒዚያ ከሴኔጋል ተገናኝተው መደበኛውን የጨዋታ ክፍለ ጊዜ ያለምንም ጎል አጠናቀዋል።

ወደ ጭማሪ ሰዓት ባመራው ጨዋታ የቱኒዚያው ተከላካይ ዲላን ብሮን በራሱ መረብ ላይ ባስቆጠረው ጎል ሴኔጋል 1 ለ 0 በማሸነፍ የፍጻሜ ተፋላሚ መሆኗን አረጋግጣለች።

ምሽት 4 ሰዓት ላይ በተደረገ ጨዋታ ደግሞ አልጄሪያ ናይጀሪያን 2 ለ 1 አሸንፋለች።

በጨዋታው አልጄሪያ የናይጀሪያው ትሩስት ኢኮንግ በራሱ መረብ ላይ ባስቆጠረው ጎል 1 ለ 0 እየመራች ለእረፍት ወጥተዋል።

ከእረፍት መልስ ኢጋሎ ለናይጀሪያ በፍጹም ቅጣት ምት ጎል አስቆጥሮ አቻ መሆን ችለው ነበር።

አልጄሪያ ሪያድ ማህሬዝ በጭማሪ ሰዓት ባስቆጠራት የቅጣት ምት ጎል ጨዋታውን በማሸነፍ የፍጻሜ ተፋላሚ መሆኗን አረጋግጣለች።

 

You might also like
Comments
Loading...