Fana: At a Speed of Life!

በአዲስ አበባ ያለው የኤች.አይ.ቪ/ኤድስ የስርጭት መጠን 3 ነጥብ 4 በመቶ መድረሱ ተገለፀ

አዲስ አበባ፣ ሃምሌ 9፣ 2011 (ኤፍ.ቢ.ሲ) በአዲስ አበባ ያለው የኤች አይ ቪ የስርጭት መጠን 3 ነጥብ 4 በመቶ መድረሱ ተገለፀ።

የአዲስ አበባ ኤች አይ ቪ ኤድስ መከላከልና መቆጣጠር ፅ/ቤት ከአስሩም ክፍለ ከተማ እና ወረዳ ከተውጣጡ የጽህፈት ቤቱ ሰራተኞች ጋር የ2011 እቅድ አፈፃፀምን እየገመገመ ይገኛል።

በግምገማው ላይም በከተማዋ ያለው የኤች አይ ቪ/ኤድስ ስርጭ በከፍተኛ ሁኔታ መጨመሩን እና አሁን ላይም 3 ነጥብ 4 በመቶ መድረሱ ተመልክቷል።

ለዚህም በከተማዋ ያሉ አጋላጭ ቦታዎች መስፋፋት እና የስነ ምግባር ክፍተት ምክንያት መሆኑ ተነግሯል።

በአለም ጤና ድርጅት መስፈርት መሰረት የኤች አይ ቪ ስርጭት ከ1 በመቶ በላይ ከሆነ ያ ሀገር በበሽታው ወረርሽኝ ውስጥ ነው።

ይህም በከተማዋ ያለው የኤች አይ ቪ ስርጭት መጠን በጣም አሳሳቢ ደረጃ ላይ መድረሱን ነው የሚያመላክተው።

በተጨማሪም በግምገማ መድረኩ የተመረጡ ወረዳዎችና ክፍለ ከተሞችም የተሰሩ ስራዎችን  እና ያጋጠሙ ችግሮችን እንዲሁም የተወሰዱ የመፍትሄ አቅጣጫዎችን አቅርበዋል፡፡

በግምገማ መድረኩ በቀጣይም የ2012ን እቅድ ለማዘጋጀት መነሻ ሀሳቦች የሚገኙበት ነው ተብሏል፡፡

በሀይማኖት እያሱ

You might also like
Comments
Loading...