Fana: At a Speed of Life!

አልጄሪያ የ32ኛው የአፍሪካ ዋንጫ ሻምፒዮን ሆነች  

አዲስ አበባ፣ ሃምሌ 12፣ 2011(ኤፍ ቢ ሲ) በግብፅ ሲካሄድ የቆየው 32ኛው የአፍሪካ ዋንጫ በአልጄሪያ ሻምፒዮናነት ተጠናቀቀ።

ሰሜን አፍሪካዊቷ አልጄሪያ ምዕራብ አፍካዊቷን ሴኔጋልን  1 ለ 0 በሆነ ውጤት በማሸነፍ ነው ሻምፒዮና የሆነች ።

የዋንጫ ጨዋታ በካይሮ ዓለም አቀፍ ስታድየም ነው የተካሄደው።

በዚህ ጨዋታ በአፍሪካ ዋንጫ ውድድር ታሪክ ለመጀመሪያ ጊዜ የሁለቱ ሃገራት ብሄራዊ ቡድኖች በአፍሪካውያን አሰልጣኞች እየተመሩ ወደ ሜዳ ገብተው ተጫውተዋል።

በጨዋታው ሴንጋላውያን ወደ ጎል ያልተቀየሩ ተደጋጋሚ ሙከራዎችን አድርገዋል።

በተጨማሪም ሴኔጋል 6 የማእዘን ምት ስታገኝ አልጄሪያ ሁለት ነው ያገኘችው።

በመጨረሻም አልጄሪያ 1 ለ 0 በሆነ ውጤት በማሸነፍ 32ኛውን የአፍሪካ ዋንጫ አንስታለች።

አልጄሪያ ከሴኔጋል በዚህ የውድድር መድረክ በምድብ ጨዋታ ላይ የተገናኙ ሲሆን፥ አልጀሪያ 1 ለ 0 ማሸነፏ ይታወሳል፡፡

አልጄሪያ የአፍሪካ ዋንጫን ስታነሳ የአሁኑ ለሁለተኛ ጊዜዋ ሲሆን፥ ለመጀመሪያ ጊዜ ዋንጫውን የበላችው ከ19 ዓመት በፊት ነበር።

You might also like
Comments
Loading...