Fana: At a Speed of Life!

ሳምሰንግ በታጣፊ ስማርት ስልኩ ስክሪን ላይ ያገጠመውን ችግር መቅረፉ ተገለፀ

አዲስ አበባ፣ ሰኔ 26፣ 2011 (ኤፍ.ቢ.ሲ) የሳምሰንግ ጋላክሲ ታጣፊ ስማርት ስልክን በማስተዋወቅ የመጀመሪያው የስማርት ስልክ አምራች ኩባንያ ነው።

ሆኖም ግን ኩባንያው 1 ሺህ 980 የአሜሪካ ዶላር የተቆረጠለት ስማርት ስልኩ በስክሪኑ ላይ ባጋጠመው ችግር ምክንያት ለገበያ ሊያቀርብበት ከነበረው ጊዜ በሁለት ወራት ለማራዘም ተገዶ ቆይቷል።

አሁን ላይ ግን የደቡብ ኮሪያው በታጣፊ ስማርት ስልኩ ስክሪን ላይ ያገጠመውን ችግር መቅረፉን ብሉምበርግ ይዞት የወጣው መረጃ ያመለክታል።

ሳምሰንግ ታጣፊ ስማርት ስልኮቹን ለገበያ ለማቅረብ የቆረጠለት ቀን በይፋ ባይታወቀም፤ ታጣፊ ስማርት ሰልኩን ወደገበያው ለማሰራጨት በዝግጅት ላይ እንደሆነ ነው የተነገረው።

ሳምሰንግ ታጣፊ ስማርት ስልኩን ለገበያ የሚያቀርብበት ቀን ባይታወቀም ቀጣይን ስማርት ስልክ ምርቱን ይፋ በሚያደርግበት ነሃሴ ወር ላይ አብሮ ይዞት ሊቀርብ ይችላል ተብሎ ተገምቷል።

ሳምሰንግ ኩባንያ ታጣፊ ስማርት ስልኩን ገበያ ላይ ማዋሉን ያራዘመው የኩባንያው ምርት ገምጋሚዎችታጣፊ ስክሪኖች በቀላሉ ተሰባሪ እንደሆኑ አስተያየት መስጠታቸውን ተከትሎ ነበር።

ታጣፊ ስማርት ስልኩን የተጠቀሙ የኩባንያው ምርት ገምጋሚዎች ስልኩን መጠቀም በጀመሩ በጥቂት ቀናት ስክሪናቸው መሰበሩን መግለፃቸው ይታወሳል።

ይህንንም ተከትሎ በአዲሱ ምርት ላይ የቀረቡ አስተያየቶችን ለመመርመርና ሌሎች ውስጣዊ ሁኔታዎች ላይ ፍተሻዎችን ለማድረግ ነው ኩባንያው ላልተወሰነ ጊዜ ምርቱን ገበያ ላይ ማዋሉን ያራዘመው።

ምንጭ፦ www.cnet.com

You might also like
Comments
Loading...