Fana: At a Speed of Life!

መድሃኒት የሚቋቋም የወባ በሽታ በደቡብ ምስራቅ እስያ እየተስፋፋ መሆኑ ተገለጸ

አዲስ አበባ፣ ሃምሌ 19፣ 2011 (ኤፍ ቢ ሲ) የወባ በሽታ መከላከያ መድሃኒትን መቋቋም የሚችል የወባ በሽታ በደቡብ ምስራቅ እስያ እየተስፋፋ መሆኑ ተነግሯል።

የብሪታንያና ታይላንድ ተመራማሪዎች እንዳስታወቁት መድሃኒት የሚቋቋመው የወባ በሽታ በደቡብ ምስራቅ እስያ በካምቦዲያ፣ ላኦስ፣ ታይላንድና ቬትናም ውስጥ እየተስፋፋ ነው።

እንደ ተመራማሪዎቹ ገለፃ በበሽታው ለተጠቁ ታማሚዎች የወባ መድሃኒት ቢሰጣቸውም ከበሽታው ሊያገግሙ አልቻሉም።

በሽታው በፍጥነት መፍትሄ ካልተገኘለትም ወደ አፍሪካ ሊዛመት ይችላል ያሉት ተመራማሪዎች፥ ውጤቱም አስደንጋጭ ሊሆን ይችላል ብለዋል።

ከታማሚዎች የተሰበሰበው የደም ናሙና በአንዳንድ አካባቢዎች በሽታው መድሃኒት የመቋቋም አቅሙ እስከ 80 በመቶ የደረሰ መሆኑን የሚያሳይ መሆኑ ተገልጿል።

በወባ በሽታ በዓለም አቀፍ ደረጃ በየዓመቱ 219 ሚሊየን ሰዎች የሚያዙ ሲሆን፥ ከእነዚህ መካከል ዕድሜያቸው ከ5 ዓመት በታች የሆኑ ህጻናትን ጨምሮ 435 ሺህ በላይ የሚሆኑ ሰዎችን ለህልፈት እንደሚዳርግ መረጃዎች ያሳያሉ።

ምንጭ፦ ቢቢሲኤ

You might also like
Comments
Loading...