Fana: At a Speed of Life!

መከላከያ እና ደቡብ ፖሊስ ደደቢትን ተከትለው ከፕሪሚየር ሊጉ ወረዱ

አዲስ አበባ ፣ ሰኔ 26 ፣ 2011 (ኤፍ ቢ ሲ) የኢትዮጵያ ፕሪሚየር ሊግ 29ኛ ሳምንት ጨዋታዎች ዛሬ በተለያዩ ከተሞች ተካሂደዋል።

አዲስ አበባ ላይ መቐለ 70 እንደርታን ያስተናገደው መከላከያ 2 ለ 1 ተሸንፏል።

ይህን ተከትሎም መከላከያ ከፕሪሚየር ሊጉ መውረዱን አረጋግጧል።

በሌሎች ጨዋታዎች ክልል ላይ ስሑል ሽረ ወልዋሎ አዲግራት ዩኒቨርሲቲን 2 ለ 1 ማሸነፍ ችሏል።

መውረዱን ያረጋገጠው ደደቢት በሜዳው በሲዳማ ቡና 3 ለ 1 ተሸንፏል።

ወላይታ ዲቻ በበኩሉ አዳማ ከተማን 2 ለ 0 ማሸነፍ ችሏል።

ደቡብ ፖሊስ ከኢትዮጵያ ቡና ያደረጉት ጨዋታ አንድ አቻ ሲጠናቀቅ፥ ሃዋሳ ከተማ ድሬዳዋ ከተማን ከሜዳው ውጭ 1 ለ 0 አሸንፏል።

ባህር ዳር ላይ ጅማ አባ ጅፋር ባህር ዳር ከተማን 1 ለ 0 አሸንፎታል።

ጎንደር ላይ በፋሲል ከነማ እና ቅዱስ ጊዮርጊስ መካከል ሊደረግ የነበረው ጨዋታ ደግሞ ቅዱስ ጊዮርጊስ እግር ኳስ ክለብ ባለመገኘቱ ፋሲል ከነማ በፎርፌ አሸናፊ ሆኗል።

ደቡብ ፖሊስ እና መከላከያ እግር ኳስ ክለቦችም ደደቢትን ተከትለው ከፕሪሚየር በሊጉ መውረዳቸውን አረጋግጠዋል።

 

You might also like
Comments
Loading...