Fana: At a Speed of Life!

ለ40 ዓመታት የራስ ፀጉራቸውን ሳይስተካከሉና ሳይታጠቡ የቆዩት ህንዳዊ

አዲስ አበባ፣ ሃምሌ 12፣ 2011 (ኤፍ ቢ ሲ) ለአርባ ዓመታት የራስ ፀጉራቸውን ሳይስተካከሉና ሳይታጠቡ የቆዩት ህንዳዊ ጉዳይ አነጋጋሪ ሆነዋል።

ሳካል ዴቭ ቱዱ የተባሉት የ63 ዓመቱ ህንዳዊ ላለፉት ዓርባ ዓመታት የራስ ፀጉራቸውን ሳይስተካከሉና ሳይታጠቡ መቆየታቸው ተነግሯል።

ነዋሪነታቸው በምስራቅ ህንድ የሆነው ሳካል የራስ ፀጉራቸውን ከ22 ዓመታቸው ጀምሮ ማሳደግ መጀመራቸውን ይናገራሉ።

በአጋጣሚ የተጀመረው ፀጉራቸውን የማሳደግ ሁኔታ በሂደት እየረዘመ መምጣቱን ተከትሎ ሳካል ይበልጥ እንዲያድግ መወሰናቸውን ገልጸዋል።

በመቀጠልም ፀጉራቸው ከሂንዱ አምላክ እንደተሰጣቸው በመቁጠር መስተካከልና መታጠብ ማቆማቸውን አስታውሰዋል።

በአሁኑ ወቅት የራስ ፀጉራቸው ርዝመት ስድስት ጫማ ወይም 1 ሜትር ከ82 ሴንቲ ሜትር ደርሷል ነው የተባለው።

ምንጭ፦ ኦዲቲ ሴንትራል

You might also like
Comments
Loading...