Fana: At a Speed of Life!

ሆፕ ለን የተባለ የሆንግ ኮንግ ኩባንያ የባህርዳር ኢንዱስትሪ ፓርክን ተረከበ

አዲስ አበባ ፣ ሃምሌ 3 ፣ 2011 (ኤፍ ቢ ሲ) ሆፕ ለን የተባለ የሆንግ ኮንግ ኩባንያ የባህርዳር ኢንዱስትሪ ፓርክን ተረከበ፡፡

የርክክብ ስነ ስርዓቱ በዛሬው ዕለት ከፍተኛ የመንግስት ባለስልጣናት እና የኩባንያው አመራሮች በተገኙበት በባህርዳር ተካሂዷል፡፡

የባህርዳር ኢንዱስትሪ ፓርክ በ75 ሄክታር ላይ ግንባታው መከናወኑን እና በውስጡ ስምንት ሼዶችን መያዙን የአማራ ክልል የኢንዱስትሪና ኢንቨስትመንት ቢሮ ሃላፊ አቶ መላኩ አለበል ተናግረዋል፡፡

ሃላፊው የኢንዱስትሪ ፓርኩ ግንባታ 93 በመቶ መጠናቀቁን የተናገሩት ሲሆን ቀሪ የውሃና መብራት ዝርጋታዎችን በአንድ ወር ውስጥ ለማጠናቀቅ እንደሚሰራ ጠቁመዋል፡፡

የኢትዮጵያ ኢንዱስትሪ ፓርክ ልማት ኮርፖሬሽን ዋና ስራ አስፈፃሚ ወይዘሪት ሌሊሴ ነሜ በበኩላቸው የባህርዳር ኢንዱስትሪ ፓርክ በቅርቡ ስራቸው ተጠናቆ ወደ አገልግሎት ከሚገቡት 7 የኢንዱስትሪ ፓርኮች መከካከል አንዱ ነው ብለዋል፡፡

የባህርዳር ዩኒቨርስት የቴክስታይል ትምህርት የሚሰጥበት መሆኑ እና በአካባቢው ሰፊ የጥጥ ምርት መኖሩ ለፓርኩ መልካም አጋጣሚ መሆኑን ተናግረዋል፡፡

የፓርኩ የመጀመሪያ ምዕራፍ ለ6 ሺህ ዜጎች የስራ እድል እንደሚፈጥር እና ሙሉ በሙሉ ወደ ስራ ሲገባ ደግሞ ለ10 ሺህ የስራ እድል ይፈጥራል፡፡

በተጨማሪም በቀጣይ ሁለተኛ እና ሦስተኛ ምዕራፍ ግንባታውን በ2 ሺህ ሄክታር መሬት ላይ እንደሚያካሂድ በርክክቡ ላይ ተገልጿል፡፡

በናትናኤል ጥጋቡ

You might also like
Comments
Loading...