Fana: At a Speed of Life!

ህዝብና የመከላከያ ሰራዊትን ባልተገባ መንግድ ለማጋጨት የሚሰሩ ግለሰቦችና የመገናኛ ብዙሃን ላይ ክስ ሊመሰርት ነው

አዲስ አበባ፣ ሐምሌ 1፣ 2011 (ኤፍ ቢ ሲ) ህዝብና የመከላከያ ሰራዊትን ባልተገባ መንግድ ለማጋጨት የሚሰሩ ግለሰቦችና የመገናኛ ብዙሀን ላይ ክስ ሊመሰርት መሆኑን የመከላከያ ሚኒስቴር አስታወቀ።

የኢፌዴሪ መከላከያ ሚኒስቴር የኢንዶክትሪኔሽን ዳዳይክቶሬት ዋና ዳይሬክተር ሜጀር ጄነራል መሃመድ ተሰማ የሀገሪቱን ወቅታዊ ሁኔታ አስመልክተው በዛሬው ዕለት መግለጫ ሰጥተዋል ።

በመግለጨቻቸውም የህግ የበላይነት የማስከበር ተግባር ከሁሉም በላይ የወቅቱ ቁልፍ የሰራዊቱ ተልዕኮ መሆኑን ተናግረዋል።

በቅርቡ በባህር ዳርና በአዲስ አበባ በመንግስ ከፍተኛ የሥራ ሃላፊዎች ላይ በተፈፀመው ግድያ ተፈጥሮ የነበረው አለመረጋጋት ወደ ቀደመ ሰላሙ እንዲመለስ እንዲሁም ተጠርጣሪዎችን ለመያዝና የህግ የበላይነት እንዲከበር ሰራዊቱ ከፍተኛ ስራ መስራቱን ገልፀዋል።

በቀጣይም ሰራዊቱ የህግ የበላይነትን ለማስከበርና በድርጊቱ የተሳተፉ ተጠርጣሪዎች ለህግ እንዲከቀርቡ ለማድረግ ከመቼውም ጊዜ በላይ ከሚመለከታቸው አካላት ጋር በቅንጅት የሚሰራ መሆኑን ጠቁመዋል።

በተጨማሪም ህብረተሰቡ ሰራዊቱን በጥርጣሬ እንዲመለከት የሚያደርጉ ሀሰተኛ መረጃዎችንና የስም ማጥፋት ዘመቻዎችን በተለያዩ መገናኛ ዘዴዎች እያሰራጩ የሚገኙ አካላትን ወደ ህግ ለማቅረብ ስራዎች መጠናቀቃቸውን አንስተዋል።

እነዚህ አካላት በህዝቡና መከላከያ ሰራዊት መካከል መተማመን እንዳይኖር ብሎም ሀገሪቷ ወደ ቀደመ ሰላሟ እንዳትመለስ እያደረጉ ነው ያሉት ሃላፊው፥ ለዚህም በርካታ መረጃዎች መኖራቸውን ገልፀዋል።

በዘህ መሰረትም የተቋሙንና የሠራዊቱን ስም በማጥፋት የተለዩ ግለሰቦች መኖራቸውን ነው ሜጀር ጄነራል መሃመድ የተናገሩት።

በዙፋን ካሳሁን

You might also like
Comments
Loading...