Fana: At a Speed of Life!

ሃዩንዳይ በህንድ የመጀመሪያውን በኤሌክትሪክ ሃይል የሚሰራ ተሽከርካሪ ይፋ አደረገ

አዲስ አበባ፣ ሃምሌ 19፣ 2011 (ኤፍ ቢ ሲ) ሃዩንዳይ በህንድ የመጀመሪያ የሆነውን በኤሌክትሪክ ሃይል የሚሰራ ተሽከርካሪ ማምረቱን ይፋ አደረገ።

የደቡብ ኮሪያው መኪና አምራች ኩባንያ ሃዩንዳይ በህንድ ገበያ የመጀመሪያ የሆነውን በኤሌክትሪክ ሃይል የሚሰራ ተሽከርካሪ ማምረቱን በትናንትናው ዕለት ይፋ አደርጓል።

ይፋ የተደረገው ኤስ ዩ ቪ የተሰኘው ቅንጡ መኪና በሰዓት 100 ኪሎ ሜትር መጓዝ የሚችል ሲሆን፥ አንድ ጊዜ ሃይል ከተሞላ በኋላ 452 ኪሎ ሜትር መጓዝ ይችላል ተብሏል።

ለተሽከርካሪው 2 ነጥብ 5 ሚሊየን ሩፒ ወይም 37 ሺህ ዶላር ዋጋ ተቆርጦለታል።

ድርጅቱ ምርቱን የሚገዙ ደንበኞች መኪናውን በኤሌክትሪክ ሃይል ለመሙላት የሚያስችለውን አሰራር ቤታቸው ድረሰ የሚገጣጥም መሆኑንም አስታውቋል።

ከዚህ ባለፈም ተሽከርካሪውን የሚገዙ ደንበኞች በሙምባይ፣ በኒው ደልሂና ሌሎች በተመረጡ ከተሞች በሚገኙ ነዳጅ ማደያዎች ውስጥ ተሽከርካሪያቸውን በኤሌክትሪክ ሃይል ማስሞላት እንደሚችሉ ተመላክቷል።

ምንጭ፦ ሲ ኤን ኤን

You might also like
Comments
Loading...