Fana: At a Speed of Life!

ፕሬዚዳንት ትራምፕ ወደ ሰሜን ኮሪያ በማቅናት ከኪም ጆንግ ኡን ጋር ተገናኙ

አዲስ አበባ፣ ሰኔ 23፣ 2011(ኤፍ.ቢ.ሲ) የአሜሪካው ፕሬዚዳንት ዶናልድ ትራምፕ ወደ ሰሜን ኮሪያ በማቅናት ከኪም ጆንግ ኡን ጋር ተገናኙ፡፡

በዚህም ፕሬዚዳንት ዶናልድ ትራምፕ  ወደ ሰሜን ኮሪያ ያቀኑ የመጀመሪያው የአሜሪካ ፕሬዚዳንት  መሆናቸው ነው የተነገረው፡፡

ፕረዚዳንት ትራምፕ ከሰሜን ኮሪያው አቻቸው ኪም ጆንግ ኡን በሁለቱ ኮሪዎች ድንበር ላይ በሚገኘው ከወታደራዊ እንቅስቃሴ ነፃ በሆነው ስፍራ ለሰዓታት የቆየ ውይይት አካሂደዋል፡፡

ውይይቱን ተከትሎ ሁለቱ መሪዎች ተቋርጦ የቆየውን የኑውክሌየር ድርድር ለማስቀጠል ስምምነት ላይ መድረሳቸው ተጠቁሟል፡፡

ፕሬዚዳንት ትራምፕ ለሶስተኛ ጊዜ ከሰሜን ኮሪያው ፕሬዚዳንት ፊት ለፊት የተገናኙበት ስፍራ ሁለቱ ኮሪዎች ከወታደራዊ እንቅስቃሴ ነፃ  ያደረጉት ስፍራ ነው፡፡

የአሜሪካው ፕሬዚዳንት ዶናልድ ትራምፕ  ያደረጉት ጉብኝት ከዚህ ቀደም ሌሎች ፕሬዚዳንቶች ደቡብ ኮሪያን በመደገፍ  ካደረጉት ጉብኝት  ይለያል ተብሏል፡፡

የተለያዩ አካላት ይህንን የትራምፕ ጉብኝት ሲገልፁም የኒውኩሌር እና የቦንብ ጃኬት በማውለቅ በንግድ እና በስራ ቁመና ያደረጉት ጉብኝት እንደሆነ ገልፀዋል፡፡

የሰሜን ኮሪያው ገዥ ኪም ጆንግ ኡን ለዶናልድ ትራምፕ በፈገግታ በታጀበው ፊታቸው  በዚህ ቦታ እንገናኛለን ብየ አልጠበኩም በማለት ገልፀውላቸዋል፡፡

ዶናልድ ትራምፕ በበኩላቸው ትልቅ እንቅስቃሴ አስደናቂ ለውጥ ሲሉ ነው ለኪም ጆንግ ኡን የተሰማቸውን ስሜት የገለፁት፡፡

ምንጭ፡-ቢቢሲ

 

You might also like
Comments
Loading...