Fana: At a Speed of Life!

ግብጽ ኢትዮጵያን ጨምሮ ለ14 የአፍሪካ ሀገራት ነጻ የጉበት በሽታ ህክምና ልታደርግ ነው

አዲስ አበባ፣ ሰኔ 15፣ 2011 (ኤፍ.ቢ.ሲ) ግብጽ ኢትዮጵያን ጨምሮ ለ14 የአፍሪካ ሀገራት ነጻ የጉበት በሽታ ህክምና ልታደርግ ነው፡፡

የግብጽ ጤና እና ስነ ህዝብ ሚኒስትር ዶክተር ሃላ ዛይድ ኢትዮጵያን ጨምሮ በአፍሪካ የጉብት በሽታ በስፋት በሚከሰትባቸው 14 ሀገራት ሀገራቸው ሄፓታይተስ ሲ ለተባለው የጉበት በሽታ ህሙማን ነፃ ምርመራ እና ህክምና ልታደረግ መሆኑን ተናግረዋል፡፡

ዶክተር ዛይድ ይህን ያሉት በኡጋንዳ ካምፓላው የአውሮፓዊያኑ 2019 የጉበት በሽታ ስብሰባ የመክፈቻ ስነ ስርዓት ላይ በአደረጉት ንግግር ነው ተብሏል፡፡

ዘመቻው በዓለም ጤና ድርጅት ትብብር የሚከናዎን ሲሆን÷ በሶስት ወራት ውስጥ በዚህ ፕሮግራሙ በትንሹ አንድ ሚሊየን ያህል ሰዎችን ተጠቃሚ ለማድረግ መታቀዱ ተነግሯል፡፡

ለዚህም ግብጽ የቴክኒክ ድጋፍ፣ የዘርፉ ባለሙያዎችንና የበሽታ መለያ ሶፍትዌሮችን እና የነፃ ህክምና ታደርጋለች ነው የተባለው፡፡

ቡርንዲ፣ ቻድ፣ ዴሞክራቲክ ሪፐሊክ ኮንጎ፣ ጅቡቲ፣ ኢኳቶሪያል ጊኒ፣ ኤርትራ፣ ኢትዮጵያ፣ ኬንያ፣ ማሊ፣ ሶማሊያ፣ ደቡብ ሱዳን፣ ታንዛኒያና ኡጋንዳ የፕሮግራሙ ተጠቃሚ እንደሆኑ ተገልጿል፡፡

በአፍሪካ በየዓመቱ ከ200 ሺህ በላይ ሰዎች በሄፓታይተስ ሲ እና ቢ ከተባሉ የጉበት በሽታዎች ጋር በተያያዙ ችግሮች ህይወታቸው እንደሚያልፍ የዓለም ጤና ድርጃተ ግምታዊ መረጃ ያመላከታል፡፡

ምንጭ፡- ሲጂ ቲኤ ን

You might also like
Comments
Loading...