Fana: At a Speed of Life!

የ10ኛ ክፍል ብሄራዊ ፈተና በሰላም ተጠናቀቀ

አዲስ አበባ ፣ ሰኔ 5 ፣ 2011 (ኤፍ ቢ ሲ) ላለፉት ሶስት ቀናት ሲሰጥ የቆየው የ10ኛ ክፍል ብሄራዊ ፈተና በሰላም መጠናቀቁን የትምህርት ሚኒስቴር አስታወቀ።

ፈተናው በሀገሪቱ በ2 ሺህ 866 የመፈተኛ ጣቢያዎች የተሰጠ ሲሆን፥ ዛሬ ከሰዓት በኋላ በሰላም መጠናቀቁ ተገልጿል።

ለፈተናው 1 ሚሊየን 277 ሺህ 533 ተማሪዎች መመዝገባቸውን ከሚኒስቴሩ የተገኘው መረጃ ያመላክታል።

የሀገር አቀፍ የትምህርት ምዘና እና የፈተናዎች ኤጀንሲ ፈተናውን በ138 መስመሮች በሄሊኮፕተር ጭምር በመታገዝ ወደ ፈተና ጣቢያዎች ማሰራጨቱን መግለጹ ይታወሳል።

በነገው እለትም የ12ኛ ክፍል ብሄራዊ ፈተና በመላ ሃገሪቱ የሚሰጥ ይሆናል።

 

You might also like
Comments
Loading...