Fana: At a Speed of Life!

የጀኔራል አብርሃ ወ/ ማርያም (ኳርተር) አስክሬን ዛሬ አዲስ አበባ ገባ

አዲስ አበባ፣ ሰኔ 23፣ 2011 (ኤፍ ቢ ሲ) የጀኔራል አብርሃ ወልደማርያም (ኳርተር) አስክሬን ዛሬ አዲስ አበባ ገብቷል፡፡

የጄኔራል አብርሃ አስክሬን አዲስ አበባ ሲገባ በቦሌ አለም አቀፍ አውሮፕላን ማረፊያ ቤተሰቦቻቸው፣ የመንግስት የስራ ሃላፊዎች እና ወታደራዊ ባለስልጣናት አቀባበል አድርገዋል፡፡

ጀኔራል አብርሃ ወልደማርያም በጠና ታመው በታይላንድ ባንኮክ በሚገኝ አለም አቀፍ ሆስፒታል ህክምና ሲከታተሉ ቆይተው ሰኔ 21 2011 ህይወታቸው አልፏል፡፡

በትግራይ ክልል ማዕከላዊ ዞን በእንዳባፃህማ ወረዳ እንዲጪዋ ቀበሌ ነሃሴ 21 ቀን 1953 ዓ.ም የተወለዱት ጀኔራል አብርሃ በ58 ዓመታቸው ነው ከዚህ አለም በሞት የተለዩት፡፡

ጄኔራል አብርሃም በትጥቅ ትግሉ ወቅት ከተራ ተዋጊነት እስከ ክፍለጦር አዛዥነት ድረስ በተለያዩ ውጊያዎች ሃላፊነታቸውን እንደተወጡ ነው የህይወት ታሪካቸው ያመላክታል፡፡

ጄኔራሉ በ1983 ዓ.ም በመደበኛ የሰራዊት ግንባታ ከተጣለባቸው ሃላፊነት ጊዜ ጀምሮ በጡረታ እስከተሰናበቱበት ሃምሌ 1 ቀን 2010 ዓ.ም ድረስ በኢትዮጵያ መከላከያ ሲራዊት ውስጥ በተለያዩ ሃላፊነቶች አገልግለዋል፡፡

ጄኔራል አብርሃም ከሀገር ውስጥ ግዳጅና ተልዕኮ በተጨማሪ በሩዋንዳ አለም አቀፍ ሰላም ማስከበር ተልዕኮም የመጀመሪያውን የጉና ሻለቃ በምክትል አዛዥነት የተሰጣቸውን ተልዕኮ በፍፁም የህዝባዊ መንፈስ ተወጥተዋል፡፡

ጀኔራል አብርሃ ባለትዳርና የሁለት ወንድና የሁለት ሴት ልጆች አባት ነበሩ፡፡

የቀብር ስነ ስርዓታቸውም ቤተሰቦቻቸው፣ የክልል እና የፌደራል መንግስት የስራ ሃላፊዎች እንዲሆም ወዳጅ ዘመዶቻቸው በተገኙበት በመቐለ ከተማ እንደሚከናወንም ገልፀዋል።

Image may contain: 3 people
You might also like
Comments
Loading...