Fana: At a Speed of Life!

የአፋርኛ ቋንቋ አባት በመባል የሚታወቁት ዶክተር ጀማል አብዱልቃድር ሬዶ ከዚህ ዓለም በሞት ተለዩ

አዲስ አበባ፣ ሰኔ 14፣ 2011 (ኤፍ.ቢ.ሲ) የአፋርኛ ቋንቋ አባት በመባል የሚታወቁት ዶክተር ጀማል አብዱልቃድር ሬዶ ከዚህ ዓለም በሞት ተለዩ።

ዶክተር ጀማል አብዱለቃድር ሬዶ ለአፋርኛ ቋንቋ እድገት ለረጅም አመታት መስራታቸው ይነገርላቸዋል።

ዶክተር ጀማል ከ45 አመት በፊት አፋርኛ ቋንቋን ለፅሁፍ አብቅተዋል።

በክልል ደረጃ የአፋርኛ ቋንቋ ጥናትና ማበልፀጊያ ማእከል በማቋቋም ማዕከሉን መርተዋል።

ቋንቋው በዩኒቨርስቲ ደረጃ ትምህርት እንዲሰጥበት ለማስቻልም የመማሪያ ሞጁሎችን ሲያዘጋጁ መቆየታቸውም ተነግሯል።

ዶክተር ጀማል የዘጠኝ  ልጆች አባት ሲሆኑ፥ በአዲስ አበባ በህክምና ሲረዱ ቆይተው በዛሬው እለት በ72 አመታቸው አርፈዋል።

የቀብር ስነስርዓታቸውም በነገው እለት በአዋሽ ከተማ ይከናወናል።

ፋና ብሮድካስቲንግ ኮርፖሬትም ለቤተሰቦቻቸው እና ለአፋር ህዝብ መፅናናትን ይመኛል።

 

በአሊ ሹምባህሪ

You might also like
Comments
Loading...