Fana: At a Speed of Life!

የአርቲስት እቴነሽ ግርማ የቀብር ስነ ስርዓት ተፈፀመ

አዲስ አበባ፣ ሰኔ 5፣ 2011 (ኤፍ ቢ ሲ) የአርቲስት እቴነሽ ግርማ የቀብር ስነ ስርዓት በዛሬው ዕለት በለቡ ገብርኤል ቤተ ክርስቲያን ተፈፅሟል።

አርቲስት እቴነሽ ግርማ ባደረባት ህመም ምክንያት በህክምና ስትረዳ ቆይታ በተወለደች በ52 ዓመቷ ከዚህ ዓለም በሞት ተለይታለች።

የቀብር ስነ ስርዓቷም በዛሬው ዕለት በለቡ ቅዱስ ገብርኤል ቤተክርስቲያን ተፈፅሟል።

አርቲስት እቴነሽ በ1959 ዓ.ም በደቡብ ምዕራብ ሸዋ ዞን ቀርሳ ማሊማ ወረዳ የተወለደች ሲሆን፥ ከ9 ዓመቷ ጀምራም በአዲስ አበባ ከተማ ኖራለች።

አርቲስት እቴነሽ ከ1977 ዓ.ም ጀምሮ በማረሚያ ቤቶች ተቀጥራ ህይወቷ እስካለፈበት ጊዜ ድረስ እስከ ሻለቃ ማዕረግ ድረስ ስታገለግለል ቆይታለች።

ከባለቤቷ አርቲስት ደመረ ለገሰ ጋር ባቋቋሙት ባንድ አማካኝነትም በአማርኛ እና ኦሮምኛ ቋንቋ ስታቀነቅን ቆይታለች።

በዚህም ሁለት የሙዚቃ አልበሞችንና የተለያዩ ነጠላ ዜማዎችን ከተለያዩ ታዋቂ አርቲስቶች ጋር በመሆን ለአድማጭ አበርክታለች።

አርቲስት እቴነሽ ግርማ የሁለት ወንድ ልጆችና የአንድ ሴት ልጅ እናት ነበረች።

 

You might also like
Comments
Loading...