Fana: At a Speed of Life!

ኢትዮ ቴሌኮም በኢንተርኔት መቋረጥ ምክንያት ደንበኞች ያልተጠቀሙትን የጥቅል አገልግሎት የመጠቀሚያ ጊዜ ማራዘመኑን አስታወቀ

አዲስ አበባ፣ ሰኔ 11፣ 2011 (ኤፍ.ቢ.ሲ) ኢትዮ ቴሌኮም ከሰኔ 3 ቀን 2011 ጀምሮ በኢንተርኔት መቋረጥ ምክንያት ደንበኞች ያልተጠቀሙትን የጥቅል አገልግሎት የመጠቀሚያ ጊዜ ማራዘመኑን አስታወቀ።

ተቋሙ ባወጣው መግለጫ የፕሪሚየም ጥቅል ገዝተው መጠቀም ላልቻሉ ደንበኞች አገልግሎቱን ያላገኙበትን ጊዜ እና ሰዓት መጠቀም እንዲችሉ ይደረጋል ብሏል።

በተጨማሪም የመደበኛ የብሮድባንድ ኢንተርኔት ደንበኞች አገልግሎት ያላገኙበትን ጊዜና ሰዓት ከወርሃዊ ክፍያ ተቀናሽ የሚደረግ መሆኑን ነው ያስታወቀው።

አገልግሎት በተቋረጠበት ወቅት ላልተጠቀሙት አገልግሎት ክፍያ የማይጠይቅ መሆኑንም ኢትዮ ቴሌኮም አስታውቋል።

እንዲሁም ለተፈጠረው ጊዜያዊ የኢንተርኔት መቆራረጥ ደንበኞችን ይቅርታ ጠይቋል።

You might also like
Comments
Loading...