Fana: At a Speed of Life!

ኢትዮጵያ በቀጣዩ አመት ለውጭ ገበያ የምታቀርበው የቡና ምርት ጭማሪ ያሳያል ተባለ

አዲስ አበባ ፣ ግንቦት 30 ፣ 2011 (ኤፍ ቢ ሲ) ኢትዮጵያ በቀጣዩ አመት ወደ ውጭ የምትልከው የቡና ምርት ጭማሪ እንደሚያሳይ የአሜሪካ የግብርና መምሪያ ክፍል አስታወቀ።

በኢትዮጵያ የአሜሪካ ግብርና መምሪያ ክፍል ባወጣው መረጃ ኢትዮጵያ ከቀጣዩ ጥቅምት እስከ መስከረም ወር ድረስ ወደ ውጭ የምትልከው የቡና ምርት ጭማሪ ያሳያል ብሏል።

እንደ መምሪያው መረጃ 240 ሺህ ቶን የቡና ምርት በቀጣዩ አመት ወደ ውጭ የሚላክ ሲሆን፥ ይህም ከዘንድሮው አመት አንጻር የ0 ነጥብ 5 በመቶ ጭማሪ ይኖረዋል።

የሃገር ውስጥ የቡና ፍጆታም በቀጣዩ አመት በ2 ነጥብ 4 በመቶ ጭማሪ ያሳያልም ነው ያለው።

አሁን ላይ የሃገሪቱ የቡና ምርት ጭማሪ እያሳየ ሲሆን፥ በቀጣዩ አመትም 7 ነጥብ 35 ሚሊየን ቶን ቡና ይመረታል ተብሎ ይጠበቃል።

ይህም ከዘንድሮው አመት አንጻር የ1 ነጥብ 4 በመቶ ልዩነት አለው።

 

ምንጭ፦ ሬውተርስ

 

You might also like
Comments
Loading...