Fana: At a Speed of Life!

አቶ ገዱ የቆንስላ ፅህፈት ቤት፣ የውጭ ግንኙነት ማሰልጠኛ ኢንስቲትዩትንና የዳያስፖራ ኤጄንሲን ጎበኙ

አዲስ አበባ ፣ ሰኔ 3 ፣ 2011 (ኤፍ ቢ ሲ) የውጭ ጉዳይ ሚኒስትር አቶ ገዱ አንዳርጋቸው የቆንስላ ፅህፈት ቤት፣ የውጭ ግንኙነት ማሰልጠኛ ኢንስቲትዩትንና የዳያስፖራ ኤጄንሲን ጎበኙ።

የውጭ ጉዳይ ሚኒስትር አቶ ገዱ አንዳርጋቸው በውጭ ጉዳይ ሚኒስቴር የውጭ ግንኙነት አገልግሎት ማሰልጠኛ ኢንስቲትዩት፣ የቆንስላ ጉዳዮች ዳይሮክቶሬት ጄኔራል እና የዳያስፖራ ኤጄንሲን በዛሬው ዕለት ጎብኝተዋል።

በቆንስላ ፅህፈት ቤት በተደረገው ጉብኝት እየተሰጠ ስላለው አገልግሎትና መስተካከል ስላለባቸው ጉዳዮች በባለሙያዎች ለሚኒስትሩ ገለፃ የተደረገላቸው ሲሆን፥አገልግሎቱን ለማግኘት ከመጡ ተገልጋዮችንም አነጋግረዋል።

በቆንስላ ፅህፈት ቤቱ የቪዛና የፓስፖርት፣ የሰነዶች ማረጋገጥ እንዲሁም መሰል ግልጋሎቶች ይሰጣሉ።

አቶ ገዱ በዳያስፖራ ኤጄንስ ቢሮም ጉብኝት ያደረጉ ሲሆን፥ ኤጄንሲው እያከናወናቸው ስላሉ ስራዎች ከዋና ዳይሬክተሯ ወይዘሮ ሰላማዊት ዳዊት ጋር ሃሳብ ተለዋውጠዋል።

በውጭ ጉዳይ ሚኒስቴር የውጭ ግንኙነት አገልግሎት ማሰልጠኛ ኢንስቲትዩት በመገኘትም በስልጠና ላይ ያሉ ሰልጣኝ ዲፕሎማቶችን ጎብኝተዋል።

ሰልጣኝ ዲፕሎማቶቹ በአሁኑ ወቅት የፈረንሳይኛ፣ ቻይንኛና ዓረብኛ ቋንቋዎችን በመሰልጠን ላይ የሚገኙ መሆኑን ከውጭ ጉዳይ ሚኒስቴር ያገኘነው መረጃ ያመላክታል።

ዲፕሎማቶቹ ሀገራቸውን ወክለው ወደ ተለያዩ ሀገራት ሲመደቡ ሃላፊነታቸውን በብቃት እንዲወጡ የቋንቋ ስልጠናው ጠቃሚ መሆኑን ሚኒስትሩ ተናግረዋል።

ሰልጣኞቹ ሀገራቸው የምትሰጣቸውን ከባድ ሃላፊነት በብቃት ለመወጣት ስልጠናውን በልዩ ትኩረት እንዲጨርሱ መመሪያ ሰጥተዋል።

You might also like
Comments
Loading...