Fana: At a Speed of Life!

ቻይና እና ሩሲያ 1 ሺህ ወታዳሮችን ወደ መካከለኛ ምስራቅ ለመላክ ያቀደቸውን አሜሪካ አስጠነቀቁ

አዲስ አበባ፣ ሰኔ 11፣ 2011 (ኤፍ.ቢ.ሲ) ቻይና እና ሩሲያ 1 ሺህ ወታዳሮችን ወደ መካከለኛ ምስራቅ ለመላክ ያቀደቸውን አሜሪካ አስጠነቀቁ፡፡

የአሜሪካ ውሳኔ በአካባቢው ያለውን ውጥረት ከፍ ያደርገዋል ያሉት ቻይና እና ሩሲያ ድርጊቱ የችግሮች መነሻ( ፓንዶራ ሳጥን መከፈት) ምክንያት ሊሆን ይችላል ሲሉ ስጋታቸውን ገልፀዋል፡፡

በፐርሺያና ኦማን ባህረሳለጤ መካከል በሚገኘው የሆርሙዝ መተላለፊያ በሁለት መርከቦች ላይ ፍንዳታ መከሰቱን ተከትሎ ቋፍ ላይ የነበረው የአሜሪካና ኢራን ውጥረት ከፍ ወዳለ ደረጃ ተሸጋግሯል፡፡

ይህ መተላለፊያ የአለም ነዳጅ ጫኝ መርከቦች ወሳኝና በዋነኝነት የሚተላለፉበት የውሃ አካል ነው፡፡

ቻይናና ሩሲያ በመካከለኛው ምስራቅ ከጊዜ ወደ ጊዜ እየተባባሰ የሚገኘው ውጥረት እንዳሳሰባቸው በዛሬው እለት ባወጡት መግለጫ ገልፀዋል፡፡

ሁሉም አካላት በአካባቢው ያለውን ውጥረት ከሚያባብስ ተግባር እንዲቆጠቡ እና ለችግሮች መነሻ( ፓንዶራ ሳጥን መከፈት)ምክንያት ከመሆን ሊታቀቡ እንደሚገባ የቻይናው ውጭ ጉዳይ ሚኒስትር ዋንግ ዪ ተናግረዋል፡፡

በተለይ አሜሪካ በአካባቢው ከምትፈጥረው ከፍ ያለ ጫና ልትታቀብ ይገባል በማለት ነው የውጭ ጉዳይ ሚኒስትሩ ያሳሰበቡት፡፡

የሩሲያው ምክትል የውጭ ጉዳይ ሚኒስትር ሴሬርጌ ራባኮቭ በበኩላቸው የዶናልድ ትራምፕ አስተዳደር ወታደሮችን ወደ መካከለኛው ምስራቅ የመላክ አቅዱን ሊያቋርጥ ይገባል ብለዋል፡፡

ምክትል የውጭ ጉዳይ ሚኒስትሩ አሜሪካ ፓለቲካዊ፣ ኢኮኖሚያዊ ፣ ስነ ልቦናዊ እና ወታደራዊ ጫና በኢራን ላይ በመፍጠር ጠብ ጫሪ ድርጊት እየፈፀመች ነው በማለት አሜሪካን ከሰዋል፡፡
ምንጭ፡- አልጀዚራ

You might also like
Comments
Loading...