Fana: At a Speed of Life!

ቦይንግ የ737 ማክስ አውሮፕላን ስያሜን ለመቀየር ዝግጁ መሆኑን ገለፀ

አዲስ አበባ፣ ሰኔ 11፣ 2011ኤፍ.ቢ.ሲ) የአሜሪካው ቦይንግ ኩባንያ ሁለት አስከፊ አደጋዎች ያጋጠማቸውን የ737 ማክስ አውሮፕላኖች ስያሜን ለመቀየር ዘግጁ መሆኑን አስታወቀ፡፡

የኩባንያው የፋይናንስ ክፍል ሀላፊ ግሬግ ስሚዝ የቦይንግ 737 ማክስ አውሮፕላን ስያሜ ሊቀየር እንደሚችል ከብሉምበርግ ጋር በነበራቸው ቆይታ ተናግረዋል፡፡

የፋይናንስ ሀላፊው ኩባንያቸው ማንኛውንም አስተያየትና ግብዓት ለመቀበል ዝግጁ መሆኑንም ገልጸዋል።

ስያሜ መቀየሩን ጨምሮ ኩባንያው በፊት ወደ ነበረበት ቁመናው ለመመለስ የተለያዩ እርምጃዎችን ለመውሰድ ዝግጁ መሆኑንም አስታውቀዋል።

ነገር ግን በአሁኑ ወቅት ትኩረት የተደረገው 737 ማክስን ደህንነት በማረጋገጥ ለበረራ ዝግጁ ማድረግ በመሆኑ በዚህ ወቅት ስያሜ የመቀየር አቅድ እንደሌለውም አስረድተዋል።

በኢትዮጵያ እና ኢንዶኔዥያ በማክስ አውሮፕላኖች የደረሰውን አደጋ ተከትሎ 737 ማክስ አውሮፕላኖች ከበረራ የታገዱ ሲሆን፥ አውሮፕላኖቹ በምን ያህል ጊዜ ውስጥ ፍቃድ አግኝተው ወደ በረራ እንደሚመለሱ ግን አልታወቀም።

737 ማክስ አውሮፕላኖች ከበረራ ከመታገዳቸው በፊት ኩባንያው 5 ሺህ አውሮፕላኖችን እንዲያቀርብ ትዕዛዝ የተቀበለ ቢሆንም ከአደጋው በኋላ ግን ምንም አይነት ትዕዛዝ አልተቀበለም፡፡

ምንጭ፡-ሲ ኤን ኤን

You might also like
Comments
Loading...