Fana: At a Speed of Life!

በጅማ ዞን አጋሮ ከተማ ከ300 በላይ የሺሻ ዕቃዎች ተያዙ

አዲስ አበባ፣ ሰኔ 21፣ 2011 (ኤፍ ቢ ሲ) በጅማ ዞን አጋሮ ከተማ ከ300 በላይ የሺሻ ዕቃዎች መያዙን ፖሊስ አስታወቀ።

በጅማ ዞን አጋሮ ከተማ አስተዳደር ለወንጀል መነሻ ይሆናሉ ተብለው በተጠረጠሩ የሺሻ ቤቶች ላይ በተደረገው ፍተሻ ከ300 በላይ የሺሻ እቃዎች በቁጥጥር ስር ማዋሉን የከተማው ፖሊስ አስታውቋል፡፡

የአጋሮ ከተማ ፖሊስ አዛዥ ዋና ኢንስፔክተር መሃመድ አባ መጫ እንደገለጹት፥ ሺሻ ወጣቶችን ለስነ ልቦናዊ ጉዳት እየዳረገ የሚገኝ እና ለተለያዩ ወንጀሎች መነሻ እየሆነ ነው።

ይህንን ችግር ለማስወገድም ፖሊስ ከከተማው ህዝብ ጋር በመቀናጀት እርምጃ መውሰድ መጀመሩን ከአጋሮ ከተማ ኮሙዩኒኬሽን ፅህፈት ቤት ያገኘነው መረጃ ያመላክታል።

የተያዙት የሺሻ እቃዎች በዛሬው ዕለት እንደሚቃጠሉ እና ተመሳሳይ የቁጥጥር ስራዎች ተጠናክረው እንደሚቀጥሉም ዋና ኢንስፔክተሩ ተናግረዋል፡፡

You might also like
Comments
Loading...