Fana: At a Speed of Life!

በኦሮሚያ ክልል የህግ የበላይነትን ለማስከበር የሚደረገው ጥረት ተጠናክሮ መቀጠሉን የክልሉ ፖሊስ ኮሚሽን ገለፀ

አዲስ አበባ፣ ሰኔ 22፣ 2011 (ኤፍ.ቢ.ሲ) በኦሮሚያ ክልል ሰላም እና ጸጥታብሎም የህግ የበላይነትን ለማስከበር የሚደረገዉ ጥረት ተጠናክሮ መቀጠሉን የክልሉ ፖሊስ ኮሚሽን ገለጸ።

የኦሮሚያ ፖሊስ ኮሚሽን ኮሚሽነር ጀነራል ከፍያለው ተፈራ ዛሬ በሰጡት መግለጫ የክልሉን ህዝብ ደህንነት ለማስጠበቅ የተሰሩ ስራዎችን አብራርተዋል።

በዚህም በክልሉ ከተሞች በተደረጉ አሰሳዎች በርካታ ህገ ወጥ የጦር መሳሪያዎች በቁጥጥር ስር መዋላቸውን አስታውቀዋል።

በአሰሳውም 609 ህገ ወጥ የጦር መሳሪያዎች፣ ከ10 ሺህ በላይ ጥይት እንዲሁም 265 ሽጉጥ ከ4 ሺህ በላይ ጥይት ጋር በቁጥጥር ስር መዋሉን አስታውቀዋል።

ህገ ወጥ የጦር መሳሪያዎቹ የጸጥታ ሀይሉ ከህዝቡ ጋር ባደረገዉ ርብርብ በቁጥጥር ስር መዋል መቻላቸውንም ነው ኮሚሽነር ጄነራል ከፍያለው ተፈራ ያስታወቁት።

በተጨማሪም ከተለያዩ የኦሮሚያ ክልል ከተሞች ውስጥ በተደረገው ክትትል በርካታ በኮንትሮባንድ የተከማቹ ምርቶች መገነኛቸውንም አስታውቀዋል።

በዚህም ከ21 ሺህ በላይ ኩንታል ቡና፣ 700 ኩንታል ሰሊጥ፣ 3 ሺህ ኩንታል አኩሪ አተር፣ 2 መጋዝን ሙሉ ገብስ በቁጥጥር ስር ውሏል ብለዋል።

እንዲሁም ከ9 ሺህ በላይ የተሽከርካሪዎች የመለዋወጫ እቃዎች፣ 2 ሺህ የሶማሊያ ሽሊንግ እና አራት ክላሾችን በቁጥጥር ስር በማዋል ምርመራ ቀጥሏል ነዉ ያሉት ኮሚሽነሩ።

በቀጣይም ህብረተሰቡ ከጸጥታ አካላት ጋር በመተባበር ሰላሙን እንዲያስጠብቅም ጥሪ አቅርበዋል።

በአፈወርቅ አለሙ

You might also like
Comments
Loading...