Fana: At a Speed of Life!

በአማራ ክልል የሶስት ቀናት የሀዘን ቀን ታወጀ

አዲስ አበባ፣ ሰኔ 17፣ 2011 (ኤፍ ቢ ሲ) የአማራ ክልል መስተዳድር ምክር ቤት የሶስት ቀናት ክልላዊ የሀዘን ቀን አወጀ።

ባለፈው ቅዳሜ በክልሉ በተፈፀመ የመፈንቅለ መንግስት ሙከራ ወቅት የክልሉ ርዕሰ መስተዳድር ዶክተር አምባቸው መኮንን እና የአደረጃጀት ዘርፍ አማካሪያቸው አቶ እዘዝ ዋሴ መሰዋታቸውን ተከትሎ ነው የሀዘን ቀኑ የታወጀው።

የክልሉ የመንግስት ኮሙዩኒኬሽን ፅህፈት ቤት ዋና ዳይሬክተር አቶ አሰማኸኝ አስረስ ዛሬ በሰጡት መግለጫ፥ የመፈንቅለ መንግስት ሙከራ ተጠርጣሪዎችን በቁጥጥር ስር የማዋሉ ስራ መቀጠሉን ተናግረዋል።

በአሁኑ ወቅትም የክልሉ ሰላም እና ደህንነት በአስተማማኝ ሁኔታ ላይ እንደሚገኝም ነው ያመለከቱት።

መደበኛ የመንግስት የእለት ተእለት ስራዎች የቀጠሉ ሲሆን፥ የግል የንግድ እና የአገልግሎት ዘርፍ ስራዎችም በመደበኛ እንቅስቃሴ ውስጥ እንደሚገኙ አስታውቀዋል።

በአሁኑ ወቅት የቀብር አስፈፃሚ ኮሚቴ ተዋቅሮ እየሰራ እንደሚገኝም ነው አቶ አሰማኸኝ ተናግረዋል።

በዚህ አስቸጋሪ ወቅት የክልሉ ብሎም መላው የሀገሪቱ ህዝቦች ከክልሉ ጎን በመቆማቸው መንግስት ያመሰግናል ያሉት ዋና ዳይሬክተሩ፥ ይህም አጋርነት እንደሚቀጥል እምነት አለን ብለዋል።

 

በነብዩ ዮሃንስ

You might also like
Comments
Loading...