Fana: At a Speed of Life!

በሮም ዳይመንድ ሊግ ኢትዮጵያውያን አትሌቶች አሸናፊ ሆነዋል

አዲስ አበባ ፣ ግንቦት 30 ፣ 2011 (ኤፍ ቢ ሲ) ትናንት ምሽት በጣሊያን ሮም በተካሄደ የዳይመንድ ሊግ ውድድር ኢትዮጵያውያን አትሌቶች ድል ቀንቷቸዋል።

በሴቶች ምድብ 1 ሺህ 500 ሜትር ውድድር አትሌት ገንዘቤ ዲባባ 3 ደቂቃ ከ56 ሰከንድ ከ28 ማይክሮ ሰከንድ በሆነ ጊዜ በመግባት ቀዳሚ ሆና አጠናቃለች።

ብሪታንያዊቷ ላውራ ሙይር 2ኛ ስትወጣ ሌላኛዋ ኢትዮጵያዊት አትሌት ጉዳፍ ፀጋይ 3ኛ በመሆን አጠናቃለች።

በወንዶች 5 ሺህ ሜትር ደግሞ ኢትዮጵያውያን አትሌቶች ከ1 እስከ 3 በመውጣት ውድድሩን በበላይነት አጠናቀዋል።

ውድድሩን ጥላሁን ሃይሌ 12 ደቂቃ ከ52 ሰከንድ ከ98 ማይክሮ ሰከንድ በመግት ሲያሸንፍ፥ ሰለሞን ባረጋ እና ሃጎስ ገብረህይዎት ደግሞ 2ኛ እና 3ኛ በመሆን ተከታትለው ገብተዋል።

በ3 ሺህ ሜትር የመሰናክል ውድድር ደግሞ ጌትነት ዋለ እና ጫላ በዮ 2ኛ እና 3ኛ በመሆን ውድድራቸውን ጨርሰዋል።

ኬንያዊው ቤንጃሚን ኪገን ውድድሩን በአሸናፊነት አጠናቋል።

 

 

ምንጭ፦ አፍሪካ አትሌቲክስ ዩናይትድ

You might also like
Comments
Loading...